踏入季尾，冠軍騎練走勢日漸明朗。練馬師方面，個個替希斯打氣，無他，因希望有得鬥。
但要鬥，靠乜？學狂特口頭禪——你有冇牌先？前領的蔡約翰大把牌，可睇住希斯 打，如今領先七場，睇你點追？你近少少，我就放「老虎」。
騎師方面，隻手遮天情況繼續，完全冇爆冷機會，就算「軟硬鞭」潘頓突然話躺平休假，今季仍唔慌有人追到佢。但其他騎師又如何？最明顯是霍（霍宏聲）升田（田泰安）降。
今季最受歡迎騎師選舉，我一定投霍仔一票，因進步明顯，陣上少見古靈精怪。佢至今跑 三百九十八場，W四十三場（10.8%），能跑入前五替馬主贏得獎金的，近四成四，表現非常出色。
霍升田降相當明顯，以往的三哥田泰安竟撻到落第七，畀華將潘明輝騎住，點解咁？唔知。只知佢今季絕少使出昔日慣用的撒手 ——入直路拉出大外檔如飛般殺上， 晒前領馬。
田雞今季坐騎數量為眾騎師之冠，達五百三十四匹，但勝出率僅6.3%，相當難睇。
今季潘明輝大幅進步，「神童」蔡明紹返番 ，梁家俊也不弱，希望繼續「東升西降」。
上周六本欄貼士雖然中，但冇味，唯一是「驕陽明駒」W竟有兩倍，大大超賠率。幸而Q及二重彩都中，一百八十元下注，贏一百七十二元，夠買半打鹹肉 。
今晚快活谷賽事，我有點身痕，決定刻意扒冷，落注三班千二米買十檔的「八駿巨昇」。這匹五歲馬極擅此程，曾W四次，如今仍只五歲，未用盡，今季頻頻出賽十三次，全部遊馬河，今次必定好分。上季此馬W前一仗跑第七，然後話 就 連 兩W，今季仍未交代，應最少十幾倍，WP試下先。
