有港女踢爆的士找錢蠱惑招，發現司機以紅色的$10澳門元，當$100港元「紅衫魚」找。對這個即時蝕掉90元的瞬間，網民挺身傳授最佳防騙辦法；另有人自爆其他搭的士的不愉快找贖經驗警世。詳情見下圖及下文：
港女踢爆的士找錢蠱惑招 $10澳門元當$100港元找逐張睇↓↓↓↓
網民：都唔係新鮮事啦
樓主本月3日在facebook群組「將軍澳主場」上載一張澳門「紅衫魚」相片，留言提醒「大家要小心錢嘅找贖，話說中午坐的士將軍澳去九龍灣，車資$100左右，用$500俾的士司機找錢，$10澳幣當港紙$100去找贖，由於$10澳幣1張夾喺中間，所以冇乜特別去留意」。
為方便計算，澳門元與港元的匯率大多以1:1計算。因此，收了被充作$100港元的$10澳門元，便即時倒蝕90元。
之前也曾發生多次類似的找贖騙案，今次可說是案件重演。有好記性的網民記得「之前試過幾單報過，幾單都係的士找錢夾喺裏面扮$100找俾客」，有人好心提醒「老千通街都係，唔係得的士，大有大騙，細有細騙，所以一定要提高警覺，小心謹慎」、「肯定博懵有心呃錢啦，好地地港紙，又點會mix（混雜）埋其他外幣，仲要唔係放喺第一張，心Ｘ照。事主遭遇深表同情、理解，祝有心呃錢嘅要用呢啲錢嚟睇醫生兼嘔凸。另外補充，的士始終係龍蛇混雜行業，小人陰濕賤格真心見唔少，不得不防」。
因此有人留言「都唔係新鮮事啦……所以成日話無電子支付，的士咪話落後囉！可能的士都係受害者嚟㗎。錢銀嘅嘢真係睇清睇楚先呀走呀！下次找張假嘅俾你都有可能」！
留言獲好心地的樓主回應，稱：「希望的士司機都係受害者啦，亦都祝他Lucky（幸運），如果係慣犯遲早都會瀨嘢嘅」。針對同是紅色的$10澳門元，有網民認為「好易中，我哋很少見澳門錢，去到也用港元」。
相關閱讀：$10當$100找？ 大西洋「紅衫魚」疑肆虐北角 苦主買ＸＸ中招
網民提供防騙心得
另有人慷慨提供自己的防騙心得：
•一向睇齊先落車。
•其實任何地方找數也要看清楚，尤其在某些酒樓收銀，打單後只隨口噏個數，不發還收據的。有試過飲茶時，感到數目有些少偏差問取收據check（檢查），果真發現收多位茶錢$10，真是小數不怕長收了。
還有網民自爆其他搭的士找贖不快事件：
•我都遇過一次夜晚扮壞燈。俾$500故意找少張$100。
•搭的士，自備$100紙。有的士害群之馬，我家姐趕時間搭的士，俾$500找，的士司機話只是收$100，但我家姐極趕時間，無奈。所以溫馨提示大家，俾$500時，記下最後2位數字，的士司機有問題就報警，就會對自己不會被騙。
資料來源：Angel Tang＠facebook
相關閱讀：荃灣飲茶埋單找4張紅衫魚 轉眼「貶值」僅得$XXX 七旬苦主還原事發經過……↓↓↓↓
一名七旬長者2024年10月在荃灣一酒樓飲早茶後付款，獲找回4張「紅衫魚」袋袋平安，卻在下次購物拿出時，驚覺原本應該價值400元的4張「紅衫魚」，竟然一下子「貶值」。
看真一點，原來當中夾雜了同樣是「紅衫魚」顏色的澳門10元紙幣，樓主持有的4張「紅衫魚」拆合實得約310港元。網民嬲嬲之餘，慷慨地公開自己壓箱底的找贖防騙心得↓↓↓↓
