單親母親是單數，但付出的愛卻是復數。有單親媽近日發文憶述16年前如何獨行風雨長路，徬徨由零開始捱大女兒。貼地又勵志的正能量故事感動網民，單親媽豁達地回應：「我覺得喺呢個世上大家都係匆匆幾萬日，應該互相勉勵」。
樓主早前在社交平台Threads以「活著就有希望」為題發帖，從女兒出生說起，提及當年「生咗囡囡、負債和ex（前度）分開，一下子當時跟本唔知點做」。但因為「見到女兒可愛」而自勉「咩都唔好諗，淨係諗下努力做嘢養大佢」。詳情見下圖及下文：
獨行風雨長路捱大女兒 單親媽憶16年前徬徨由零開始逐張睇↓↓↓↓
女兒兩個月大 樓主投身職場
樓主在「個女得兩個月大」時便投身在職母親行列，結果在職場一步一步打滾，成績越做越好。樓主如今發文是要「俾返啲正能量而家覺得困難嘅朋友！希望大家給自己一個翻身嘅機會！」。
樓主在帖文中表示，「16年前個女得兩個月大，我就去咗XXXX度做telesales（電話銷售），一直做咗幾年，跟住公司俾機會我去做Operation（運作），後來朋友在介紹我轉去另外一間High end（高檔的）嘅醫療保險公司做Operation。
過咗9個月，份工好難頂，又好好彩有Headhunt（獵頭）搵我，轉咗去XXX，搵到一份好好嘅工作，喺呢份工作入面我專責去睇住一個醫療保險Product（產品）。
就係因為做咗呢份工，我發現，原來做Sales（銷售員）真係可以搵多好多錢，就係咁樣我決定出返嚟做Sales。11年前就轉咗去做Isurance broker（保險經紀），亦都因為咁樣嘅經歷，我一轉嘅時候，好多做保險公司嘅朋友，都好肯幫我。
我好感恩，16年前，點會可以諗到，個女而家咁大個，生活也沒有以前那麼艱難。希望我可以喺呢一度俾返啲正能量而家覺得困難嘅朋友！希望大家給自己一個翻身嘅機會！」。
相關閱讀：港女生日派錢 晨早落樓撳$X萬畀父母 網民大讚好孝順
網民坦言「我而家都好困難」
細心看過樓主的故事，有網民在回應欄坦言「我而家都好困難」，樓主於是熱心開導，建議「Set（定）下目標，消除雜念，勇敢將來，你今天只要還活著，所有嘅嘢你都可以改變」、「唔開心，有壓力嘅時候，做返5至10分鐘跑步，個人會正面啲開心啲」。
有網民大讚樓主的故事好勵志，並提醒「你都要多謝你自己努力搵番條出路而冇繼續沉淪落去，好多人因為咁就『本Pair』落去，營造咗個超差嘅成長環境俾個小朋友，而你除咗照顧好佢之外仲可以喺出面奮鬥埋佢，真心respect（尊重）你」。
樓主向對方道謝時稱：「我覺得喺呢個世上大家都係匆匆幾萬日，應該互相勉勵，幫助別人，有能力嘅，就去做下義工，幫助下別人。活喺呢個世界上面，所有嘅事物，其實都係一個過程，做人應該要學識享受過程，學習教訓，善待別人，善待自己」。
樓主：我不是強者
對於網民的「強者越強嗰種」、「難關難過關關過」稱讚，樓主謙稱「我不是強者，只是俾心機好好咁生活」、「每天努力一點點，你也可以，只要今天打到昨天的自己便可以」。
在網民留言指女兒「就嚟大學了」，樓主滿有感慨地稱「還有6年，我就可以真正的完成養大佢」。
其他網民留言也充滿正能量：
•辦法總比困難多，人若努力，上天自有安排，加油加油，我都沒工作努力搵工；
•生活同生命，有好多嘢唔係話有計劃就得，命運會安排你，只要信自己同信自己嘅選擇就夠；
•妳好有毅力、勤奮，機會回應係劉備有魚皮（留俾有預備）嘅人，睇見你嘅成果真係令人家好佩服，叻媽媽；
•你嘅故事好勵志好勁，繼續向前繼續加油。馬死落地行，冇嘢係搞唔掂嘅！最重要係你有冇個心去做！
相關閱讀：母親節｜「後悔生你們…」80歲母親發催淚千字遺書 網民狂Loop：句句戳中要害！↓↓↓↓
母親節又到，一封80歲母親的千字遺書，在網絡熱傳狂Loop，「我後悔生了你們，如果有來生，再也不見了……」句句戳中淚點，句句走進心窩，值得不少子女反思。足本全文點擊即睇↓↓↓↓
