陳山聰嘆慨拍劇氣氛今非昔比 爆阿佘追問：點解啲人一收工就走丨獨家

陳山聰和劉珮玥(Moon)曾一起參與多部劇集，剛播完的《奪命提示》屬真正一起合作。在Moon眼中，山聰絕對是自己半個老師，在演戲上遇上什麼難題，她都會打電話向他求救，仲會做埋她私人心理輔導員，坦言：「我真係好相信佢。」至於山聰好重視維繫演員之間感情，卻慨嘆新一代演員關係冇前咁親密，唔會再有gathering。採訪：娛樂組

陳山聰照顧後輩。

陳山聰很喜歡將自己的演謝經驗跟人分享。

陳山聰對演戲有熱誠。

陳山聰係劉佩玥心靈良藥。

陳山聰和劉珮玥合作愉快。

陳山聰跟Moon認識了10年以上，第一套一齊有份演是《殭》，但零對手戲，之後陸續也一齊拍了幾套劇集，但同場口少之又少，直至《奪命提示》才是第一次真正合作，二人都說碰撞出來幾有火花，Moon特別讚揚山聰肯聽她的意見和感受，山聰說 :「我一直覺得拍戲是team work，唔係自己好就得，要對方好，大家好才可以擦出火花，今次大家都有呢個火花，大家都鍾意演戲，研究劇本，會將所有提問拎出嚟，仲有我同Moon都是好高要求嘅人，希望每一個鏡頭都做到最好。」

二人在《奪命提示》中是舊情人，幸好最終都解開誤會復合。

陳山聰笑言拍得監製文偉鴻的劇集，就預了一定有很多打戲。

Moon笑言自己是一個會向人求救的人，如果做不到夾硬做不出聲，只會影響整個表演，「我係會不恥下問，而山聰佢係一個好願意分享和犧牲自己時間嘅人，佢會休息時睇我拍動作戲，以一個最有效的方法告訴我點做得好。佢仲幫我做埋心理輔導，有時我覺得自己處理唔到，唔係做唔到，係未做到最好，我會問佢點算，最記得有一次，我整個硬晒軚，肌肉收緊，唔知怎樣去做，當時又已經天光，有好多嘢諗，佢唔係只叫我加油，話一定得，而係叫我放鬆啲，應該怎樣去調整心態，佢成日都話唔係我老師，唔係教我，但佢分享畀我，除咗呢套戲，對我之後其他都好有用，甚至之後有套戲，我都打去搵佢求救，問佢情緒要點樣，而當我做到佢教我嘅要求時，我會好開心咁打畀佢，話佢知我成功咗，我真係好相信佢。」

入行12年的劉珮玥直認在演戲上只學識了管理了表情、語速和少少感情，還有很多地方需要繼續學習。。

山聰仲係Moon心靈治療師。

雖然Moon曾奪「馬來西亞最喜愛TVB女主角」，但唔算資深。

難忘同秋官拍劇口震

陳山聰直言自己也做過新人，很明白他們的感受，想當年他合作的演員是歐陽震華，羅嘉良、林文龍等，全部都是一線中的一線，「好似我同保怡都拍了很多套，他跟我分享經驗，之後我實踐，又有新的經驗，到有一班新演員，我又同他們分享，我想好傳承呢種文化，好記得一入行時同秋官(鄭少秋)拍劇，我連講對白都震，𠵱家我會同新演員講，緊張係啱，慢慢嚟，畀信心佢哋，同佢哋講唔怕NG，我都會NG。」

山聰曾跟前輩歐陽震華拍過《施公奇案II》。。

除了分享經驗外，山聰更想維繫一件事，就是演員之間的感情。「以前清水灣年代，個個都係收工唔走，去canteen會見到所有人喺度吹水，雖然現在產量少咗，但都想帶番一些文化，大家關係可以密切啲，有次阿佘(佘詩曼)都問我，點解啲人一收工就走，唔gathering多啲，但𠵱家新一代嘅年青人未必想咁樣，唯有自己可以做就盡做啦!」

山聰有份客串《新聞女王》，當時阿佘就問過山聰，點解一收工，個個都趕住走？

山聰好注重跟演員維繫感情。

山聰曾奪視帝。