溫碧霞（Irene）創辦的電影夢工作室第4部作品《謊島美人魚》，在未上畫時即榮獲亞洲國際青年電影節「最佳女主角」，對她來說是重要鼓勵，就算之前投資的戲，拉上補下蝕了過百萬，對她來說金錢已非重點：「最怕失去做出色演員嘅初心！」如有好的電影劇本，58歲的她更不介意再祼露演出。 採訪：方騫平 場地：leading Nation 髮型：Daniel @Mimi G
《謊島美人魚》由新晉導演廖銘賢執導、彭浩翔監製、金培達做音樂，還有金馬影后歸亞蕾參演，電影更在台灣墾丁、高雄及綠島取景，並搭建了一間民宿拍攝，而片中講述溫碧霞與憑《等一個人咖啡》爆紅的禾浩辰因網絡結緣，並譜出姊弟戀。
年紀大都會照做
作為老闆的Irene檢討過往，望再開的戲可以商業與藝術並重：「發覺自己太自私，由第2部嘅《墮落花》到《我們的18歲》太為夢想而做，冇考慮過觀眾鍾意嘅題材，遺憾係會有啲美中不足，加上《墮落花》喺疫情上映，所以會蝕少少，但唔會因為蝕錢而放棄，錢對我唔係最重要，打從15歲開始做演員唔係為搵錢，成為出色演員反而係初心，冇咗初心會搵唔返自己，所以唔會因為年紀大唔做，年紀對我係nothing，最緊要係個heart，同埋有冇自己嘅存在價值。」
Irene強調，多年來被讚keep得好，去到邊都有fans支持成為推動力量：「喺香港做女演員係好可憐，其實機會真係好少，香港電影始終男性主導，所以開女性戲想影壇百花齊放，自己都鍾意睇愛情小品，好似我拍過嘅經典作品《停不了的愛》、《蠻荒的童話》咁，點解𠵱家冇嘅？」若有好劇本，她仍夠膽再拍如同《驚變》的祼露戲：「睇下有冇一部電影感動到我，如果神級導演李安搵我拍《色戒》梗係拍啦。」
