有港女美甲美出個大頭佛來，弄得雙手像拿滿石春一樣，「洗唔到頭、開唔到汽水、拗唔到痕」。還好事主心態好，認為「正所謂好嘢要分享，伏嘢都要分享吓」，把這個像圍棋、又像波子、同時帶點薄荷糖風味的美甲公諸同好，結果笑壞一眾網民。詳情見下圖及下文：
花$400美甲得到10粒「石春」逐張睇↓↓↓↓
樓主發長文細述事件始末
樓主早前在社交平台Threads上載兩張相片並發長文細述事件始末——「基於身邊好多人知道我啲甲出咗事，要求Sd（傳）張相俾佢哋笑吓。正所謂好嘢要分享，伏嘢都要分享吓。
事緣很懂我的甲師閉店唔做啦，咁我就出去搵其他甲店試吓啦，結果$400得到呢10粒『石春』。我將佢名為『石春唐仔甲』，而家洗唔到頭、開唔到汽水、拗唔到痕。
店名就唔開啦，因為並唔係要公審，只係俾你哋笑吓。顏色同我揀嘅好大分別都唔緊要，但點解要Gel（樹脂甲或光療樹脂甲）到10粒波子咁？
完咗仲問我係咪我心中目的甲型，係那裏來的自信，真膠定假膠？個甲師仲播住套《破地獄》，但已經唔識喊，去到中間照燈我已經知道『奶』大嘢，見到嗰堆波子甲我每一吓燈好想笑，唯有忍住好專注套戲投入情緒。完#美甲」。
相關閱讀：光顧美容院激光洗紋身 港女疑慘遭2級燒傷 網民教護理大法
花$400美甲得到10粒「石春」逐張睇↓↓↓↓
網民與樓主一同大笑
回應的網民想溫故知新，「想睇吓你以前整甲係點，點可能將10隻手指整到圍棋咁」。另有人上載同款美甲，表示「可以交個朋友」。
有人則奇怪「你又唔係冇做甲經驗，做一隻已經可以口停啦，仲做晒10隻？」、「整第一隻發現唔對路就要say NO！（說不）」。
不少網民則稱讚樓主「你心態真係好正」、「欣賞樓主善心」、「妳這種心態太好啦，獨樂樂不如眾樂樂」、「換個角度諗～呢10粒石春可以令到人哋會心微笑都係一件好事嚟嘅～欣賞樓主嘅幽默」。
同時有為數不少的網民與樓主一同大笑，指：
•好慘，同時又幾得意；
•多謝你令我今日大笑咗出嚟；
•其實整到咁圓同咁厚都好高難度；
•好特別嘅款式，係咪佢間鋪個特色嚟㗎；
•唔係講笑，真係厚過我樓下石春路啲石春；
•點解可以整到咁圓轆轆？好好笑啊，好伏吓喎 ；
•唔巧意思，真係笑咗，平均40蚊一粒，想知整嗰個整到一半忍唔忍到笑。
還有網民腦洞大開，想到各式各樣的形容詞——「薄荷糖」、「好似10粒大牙」、「好似有漬嘅牙咁」、「手指變腳趾之術？」、「突然有啲想食小丸子湯丸糖水」。
資料來源：frebyv3v＠Threads
相關閱讀：修甲迎新歲靈蛇竟變蝌蚪 港女美甲店整足3個鐘 盛惠呢個數↓↓↓↓
送龍迎蛇。有愛美的港女過年前修甲，於網上找來心儀圖款作範本，到美甲店花逾3個多小時匠心打造靈蛇甲裝卻得個桔，失望地左右手分別帶同一條既似蝌蚪又似塘虱，也像水蛭和泥鰍，最終被網民嘲成紅蟲的賀年裝飾離開，盛惠418大元↓↓↓↓
