網上近日流傳一段廚房舀湯短片，片中穿制服工作人員的赤手「洗碗式」舀湯方法令網民側目。
匿名的樓主以「喺小紅書見到。只知道柴灣老人院」為題，在facebook群組「香港老人院黑店大全及黑幕踢爆關注組」轉載一段小紅書短片。片長約16秒，穿紅色制服的員工正在舀湯，但無使用湯勺，而是拿著碗直接舀湯，做法令網民嘩然。詳情見下圖及下文：
赤手「洗碗式」舀湯逐張睇↓↓↓↓
片中見到手推車上共有12個白色碗，短片開始時見大部分碗已盛滿湯，員工正為最遠處的兩碗舀湯，接著把另外兩碗半滿的添滿，完事後準備把手推車推走。由於涉事短片已在小紅書內刪除，短片的拍攝背景等其他疑問，暫時無從稽考。回應的網民僅從短片見到的情況談論。
有人直接反問「無湯勺？」，有人則認為「用湯勺仲快捷，睇唔到有乜好處」。有網民甚至形容做法似洗碗，指「洗碗咋嘛」、「洗碗水」、「你同洗碗有咩分別呀？」、「老人家飲洗碗水，講衛生識條鐵咩」、「嘩……咁都得，啲老人家咪喺到飲洗碗水，老人院無湯勺㗎？」。
對於有網民提問「其實係咩問題呢，用個碗裝湯？」，有人於是反問「你屋企係咪咁樣裝湯？」。有眼尖的網民更發現到「如果係湯，冇乜料，糖水又唔似」，而且片中人「唔戴手套」，但有人無奈稱「戴同唔戴都無分別，佢做得出咁樣，我估佢都一對手套走天涯」。有網民則認為「睇廚房似好OK，可惜請咗呢啲人」。
相關閱讀：西環食肆3萬月薪請洗碗清潔工 網民嫌辛苦 計出時薪僅$XX
赤手「洗碗式」舀湯逐張睇↓↓↓↓
網民無奈：眼唔見就係乾淨
有網民則奇怪「點解會俾人影片」、「點解會俾人影到」、「俾人影住仲繼續做，離晒大譜」，而且「角度還那麼清楚清𥇦」。於是有人估計「即係佢覺得冇乜問題先至會俾人任影？」、「其實會唔會以為自己好專業，專登影片俾人睇」、「佢覺得冇問題先好嘢」。有人則猜測「多數是自己同事拍攝，如院友家人見到即鬧了！」。
另有細心的網民分析，「睇佢衣著，我估似係外聘職員。唔知我有無睇錯，好似把腰封圍在制服外，仲要掛腰包。正常機構對自己職員穿著制服是有要求的，只有外聘職員覺得自己係冇王管，鍾意點著就點著、鍾意點做就點做。咁嘅手勢舀湯，唔似接受過任何本地訓練，似佢在屋企做開佢平時嘅手勢」。
有似乎知情的網民回應「私院我就唔知，NGO（非政府組織，Non-Governmental Organization）正職腰封外穿冇問題，替假如果恃著冇王管嘅心態，佢會即時被叫走」、「我哋做管理的，開餐前一定要有職員入廚房打點」。
此情此景，也有網民無奈地表示「我想講，就算係酒店，呢個情況一樣會發生，唉」、「好多都係咁樣啦，甚至仲衰啲都大把」、「講得好，眼唔見就係乾淨」、「其實你出街食飯你都睇唔到佢點整」。
相關閱讀：酒樓老火湯舀到「洗碗布」 飲完煲底驚駭現身 酒樓居然「咁樣兜」↓↓↓↓
有廣州網民全家到一間酒樓食晚飯，叫了一大煲老火湯，飲到煲底，湯中驚駭地浮現一大塊「洗碗布」，食客即時反胃嘔吐大作。
點解湯煲內有「洗碗布」？酒樓主管稍後到來，面對質詢，誰料居然「咁樣兜」，令食客怒上加怒。事件發生在上周六（18日）下午，事件在網上引發熱議。老火湯驚現「洗碗布」 酒樓居然「咁樣兜」（足本字幕版）↓↓↓↓
