經常有老友玩我：「碌Sir，你死啦，而家AI越來越勁，好快可以學晒你寫作Style，完全取代你，大鑊『鳥』啊！」
小弟奉旨微笑不答，但個心諗：「你班友都 ，咁都驚？AI學 ，只有其形而無其神，更冇我豐富生活體驗，點學？難道佢似我咁，晚晚出街蒲收料，到不同酒家食不同美食？佢又冇味蕾，點知口腔內感覺？」
人人一窩蜂神化AI，有 癲到似「問米」咁問DeepSeek，應該炒邊隻股票。喂，有冇再戇居 呀？若咁都中，呢個世界仲有人打工？
當然，更多人會使用AI貼馬。小弟科技大教授老友也是馬迷，將一切數據輸入大電腦，然後等佢吐出每場貼士。
結果點？結果就如每張馬經的例牌貼士，又或各馬房練馬師的「例湯」，全部大路到震。無他，大家擁有的數據一樣，只能憑資料度，但跑馬哪會如此機械化？簡單，你點知練馬師諗乜，畀乜策騎指示？你又點知十幾位騎師個心諗乜？更重要是陣上千軍萬馬搏鬥中，變數N加N咁多，你要求準確AI預測？有冇再白癡 ？所以結論係—— 氣，不如自己個腦慢慢度，如此，中正才有滿足感。
有位老友「 B」，更完全唔信貼士、唔信度馬，只凡見邊場有隻一倍全熱門賽事，就買佢倒灶，只用一百蚊，選同場最冷五隻穿Q，五穿十，等佢爆。
各家師各法，結果上周日就畀佢中正「實現夢想」搭「駿皇金」，串爆玻璃：「哈，派二萬五千九百零五元，夠我二百五十九場本錢！」
今晚研究「垃圾馬班」，提供快活谷一千米專家「中華威威」，季初兩勝加到五十分，即 旗減分，今次三十七分執二檔配田雞，九歲老馬最後一擊！
