有時做好人就是這麼簡單，自己開心，他人又快樂。一名壓力山大的港男早前乘搭小巴時，遇上一位超級有禮司機。就是因為在車上聽到的4句對答，情緒價值拉滿，巨大的壓力得以在短短10分鐘內撫平，「成個人精神爽利晒」，「功效」神奇。詳情見下圖及下文：
搭小巴遇超級有禮司機逐張睇↓↓↓↓
4句對答撫平港男生活壓力
樓主早前在社交平台Threads發長文，自爆「呢排壓力真係好大，噚晚瞓覺連續兩次飆冷汗扎醒咗，今日帶住沉重嘅心情出去整嘢」。接著，神奇的事情發生，樓主稱「上咗架小巴，短短10分鐘嘅路程，突然之間成個人精神爽利晒」。
樓主續稱，因為「個小巴司機超級好禮貌，每個乘客上車時佢都會講『多謝晒慢慢坐好』；乘客同佢講邊度停嗰陣時，佢就會講『知道，等等呀』；跟住乘客落車時，佢亦都會講『小心啊，慢慢』。最後每個乘客落車嗰刻 都會自動自覺講番，『唔該晒，拜拜』」。
樓主形容「成個（乘車）過程好舒服，我啲壓力好似消失咗咁。雖然問題仲喺度，但係慢慢解決啦。表揚下呢個司機，真係唔係個個都係『Ｘ人嚟嘅』」。
相關閱讀：觀塘乘客豪擲古董錢幣搭車 收藏家：值2萬元一枚 小巴公司竟因一原因拒收
搭小巴遇超級有禮司機逐張睇↓↓↓↓
網民：呢個小巴司機真心好好
遇上振奮人心的好事網民都熱烈回應，指「真係要讚，好少司機會咁做」、「依家有啲小巴司機好好態度」、「遇上好司機真係想比個『讚』佢」、「遇到nice（好）嘅人真係會有好心情」、「呢個小巴司機真心好好，有禮貌真係差好遠」。
樓主在回應欄補充：
•樓主：我諗我搭小巴大概10次裏面，有4個好好、3個冇乜特別、2至3個特別衰囉。不過呢個真係特別好。其實我全程最期待就係落車同佢講，「唔該晒」。
•樓主：試想吓如果一出門口搭架小巴個小巴司機好衰態度，成程車好唔舒服，你嗰日想好運氣都難呀。
•樓主：其實大埔去旺角嗰架小巴個司機都好好人㗎！因為好多都係中文大學放學嘅學生預約咗，所以佢哋好似好熟咁樣。我都有兩個小巴司機嘅電話，得閒問吓佢哋幾點到。
•樓主：試過上過架小巴，個小巴司機衰到Ｘ街，我同佢講九龍城邊度停，佢唔理我，冇反應、冇手勢，乜都冇。咁我過多10秒、8秒再同佢講一次，跟住佢好大聲同返我講「聽Ｘ到啦，唔Ｘ使再講多次 」，跟住我就上咗身，同佢Ｘ咗足足差唔多5分鐘。
相關閱讀：大埔小巴成車曱甴 司機一句話解釋震驚全網 網民：唔係掛？！
網民曾遇上有禮司機
回應的網民也曾遇上有禮司機，也趁機表揚一番：
•我都遇到咁好禮貌嘅司機，成程車好舒服，一個好特別嘅氛圍，好似成車都係自己人一樣，有來有往，好refresh（重新整理），感覺美好。
•入（元朗）大棠小巴都有一位超有禮貌又慈祥嘅小巴司機叔叔，搭到佢架車，嗰日真係會好運啲架～我信有啲人有好強嘅能量。
•每日8點後嗰段繁忙時間，我會搭往觀塘方向嘅小巴。好多乘客上車時都會同小巴司機互相講「早晨」。落車時會講「唔該」、「唔使客氣」。
資料來源：the_night_spyder＠Threads
相關閱讀：兩女強登車自製「小巴企位」 企硬拒走司機照開車↓↓↓↓
有網民直擊新春期間，搭乘小巴時，有一家人衝上車，明知不夠座位，仍有兩名女子企硬拒下車，自製兩個「小巴企位」，司機在勸阻無效後，竟照開車。女事主在社交平台Threads發帖，講述她形容為「好癲」的事件，當時情況如下：
