一名「薯條人」夜遊深水埗，在街上的回頭率幾乎100%。樓主日前在社交平台Threads以「到底要幾大勇氣先可以著住件薯條衫喺鬧市度行」為題發帖，上載自己在基隆街一帶行走的短片。
薯條人夜遊深水埗逐張睇↓↓↓↓
短片中，「薯條人」相當搶眼，片中聽到「回頭率100%」的對話。回應的網民大愛這套薯條衫，也佩服樓主的勇氣，指「真心型」、「勇者，拜服」、「哇，呢套衫好正」、「見到你會好開心」、「正，勁立體，貼堂之作」、「respect（尊敬）呢份勇氣」。
樓主在回應欄也大方回應網民的留言，自爆「個friend（朋友）生日話要Ｍ記主題，我就即刻諗到要扮薯條」、「其實幾好玩」、「而家都諗緊會唔會有機會萬聖節都著出嚟揈下」。被網民問及是否「行緊去搵茄汁？」時，樓主上載相片驚喜回應，指「茄汁喺我後面 （ 揸緊機嗰個）」。
樓主：訂製薯條衫價錢唔平
樓主還透露，薯條衫「係特登買㗎，要訂製」、「仲要個價錢一啲都唔平，用兩百幾蚊，然後啲嘢甩甩漏漏仲要自己DIY（Do It Yourself，自己動手做）。其實真係有時間呢自己整啦，唔難，純粹係今次個活動有啲急，所以我先上網買」。被網民形容為「識郁嘅薯條」時，樓主補充：「仲有（薯條衫）啲薯條可以拎出嚟」。
至於夜遊深水埗的原因，樓主的解釋相當暖心——「因為喺Ｍ記出咗嚟之後大家意猶未盡，跟住就行緊去一間餐廳度食飯。琴日係朋友嘅生日party（派對），佢就扮麥當勞姐姐，咁佢係著住咁樣出嚟嘅，我唔想佢咁尷尬所以就冇換到衫，照樣行去餐廳食飯全程都係著住呢件嘢」。
資料來源：yuentingggggggg＠Threads
相關閱讀：勁可愛軟腍腍「筋肉人」大陣仗出動 因乜事踩入大埔太和邨？↓↓↓↓
一名像太空人看似軟腍腍的「筋肉人」早前現身大埔，由於外型太可愛，有惹人伸手去摸的衝動，引起網民關注，並好奇「筋肉人」因何事踩入太和邨。詳情見下圖及下文：
