在公共圖書館借書逾期未還，往往都是無心之失。有港媽日前便在網上上載相片，講述自己罰款拖足12年未還的大頭蝦經驗；同時自爆因為一個理由，心甘情願被罰呢個數目。
港媽日前在社交平台Threads以「公共圖書館逾期圖書12年先還錢。今次真係贏咗99%香港人」為題發帖，上載還款單據。詳情見下圖及下文：
公共圖書館逾期還書 罰款拖足12年逐張睇↓↓↓↓
網民好奇：呢12年可唔可以出入境？
根據「香港公共圖書館」網站，逾期歸還圖書館資料，每項成人圖書館資料／資料附件每天1.5元，最高罰款額130元。
從樓主上載的單據見到，過期罰款的金額為99元。據樓主自己解釋，「點解係$99，唔係$130？係因為當年見到有本書喺屋企無還，就求其放落去圖書館還書箱。12年後借唔到書先還錢，大家唔好學」。
網民對樓主的情況大感好奇，指「12年先$99，真心平喎」、「呢12年可唔可以出入境？」，樓主輕鬆回應指：「又無事喎，可以去旅行」。
另有人查問「點解仲搵到（本書）」，樓主指：12年前還咗書但無俾罰款 」。對於獲讚「有借有還大丈夫」，樓主坦言：唔可以俾個女學呀媽啲衰嘢囉」。
相關閱讀：公共圖書館自修室驚變迷你倉 直擊神秘男搬出搬入 被質問居然咁解釋
不少網民分享同類經驗
鑑於樓主用了「今次真係贏咗99%香港人」的潮語，引出了屬餘下1%的網民發言，分享同類經驗：
•我係嗰1%。上兩個月終於還咗，22年……無記錯封頂價係$130，再加本書嘅錢，最終用$200開啟返我張圖書證，多謝圖書館大人不記小人過。
•我細個大約3-4歲借咗本書，到依家30幾歲都未還。
•我阿叔，巿政局年代借咗書冇還，而家都唔敢入公共圖書館。
•我都有本韓文書應該13-15歲時借，而家29歲都未還，唔知罰幾錢。
•我試過搵唔返本書報失咗，過咗幾年搬屋搵返，依家本身都仲keep（保留）係屋企。
•試過中五借咗，去到出嚟做嘢十幾年先返圖書館報失，代價係$4XX，仲記得本書叫《廢郵存底》。
•同大家分享一件我屋企人覺得我好搞笑嘅事件。當年（應該讀u，大學）我遲咗還書，但係我冇乜時間喺office hour（辦公時間）還書同罰錢，跟住我黐咗張10蚊膠銀紙喺書上面塞咗落去還書箱（要罰$9.5），搞到圖書館打去我屋企同我屋企人講要找錢，我老豆老母表示笑死。
•我都試過。好似爭咗幾百蚊，嗰陣時對我嚟講已經天價，想去借書做功課發現借唔到。手心又係肉、手背又係肉，焗住同屋企人講，以為畀人Ｘ到飛起，但印象中只係好冷靜咁帶我去還錢同叫我以後唔好，如果唔係一世都唔好再借書。我真係好驚借唔到書，所以之後一睇完即刻扔落箱還咗先。
•我係預留咗本書冇去攞，從此冇入去過圖書館。十幾年後再入去佢話你唔借得書，你爭我哋錢。吓咁大鑊？係$2預約費。好彩冇計息。
•上面好多1% ，我都係。無聊去整返張圖書證先知自己20年前有本冇還，我連本書咩樣都唔記得，最後收咗按金$37.3+ 逾期罰款$25。俾$25嗰陣感嘆咗一下：時間真係唔值錢（錯晒）。
資料來源：leungabigail＠Threads
相關閱讀：中央圖書館驚現全裸女！離奇4秒影片瘋傳震驚網民 康文署報警↓↓↓↓
本港社交平台早年瘋傳一段4秒影片，有網民拍到一名全裸女子，出現在銅鑼灣中央圖書館，翻閱圖書，旁若無人，影片離奇荒謬至極，震驚網民↓↓↓↓
