星期六，全美各地爆發針對總統特朗普同馬斯克的大型示威行動，活動名稱叫做「Hands Off!」。作為加州首府，沙加緬度（Sacramento）當然無可能例外——幾千人走上州議會外集會，現場氣氛算熱鬧。
主辦單位係一個三個星期前先成立的新組織，名為「2029一月」，據稱成立目的係針對特朗普「極權式集權傾向」。組織向加州公路巡警申請集會時，話預期有一千人，但到了集會高峰期，組織者稱現場有三千人。
他們這個活動以「野餐形式」，真係有食物、有地墊、有音樂，說是希望用這種方式讓不熟悉抗爭文化的人都可以參與。
整個「Hands Off!」運動，全美有超過150個團體一齊組織發起，包括民權組織、工會、LGBTQ+ 團體、退伍軍人、選舉公平倡議組織等等，50個州都有響應。實際上就是一次將全部社會不滿綁埋一齊放大聲講——民主黨又借題發揮，順勢炒熱氛圍。而引發這次大規模示威的導火線，就是上星期股市閃崩，民眾銀包中箭，怒氣無處宣洩。
講到尾，說「民主受損」、「國家走向獨裁」，聽上來好有理想性。但大部分人真係走出來，不一定真的為了民主兩個字——而是「你搞到我損手爛腳，份退休金縮水，我就唔客氣」。政治冷感的人可能對民主無感，但對自己荷包，絕對有反應。
而在沙加緬度北邊，同一日都有一班戴紅帽、撐「讓美國再次偉大」的人出現，他們不是反特朗普，而係要求罷免加州州長紐森。又再舊調重彈：疫情時施政失誤、高稅、缺水、腐敗、邊境政策。
其中一位自稱Beast的示威者直接說道：「我不喜歡特朗普，但我更『睇紐森唔順眼』。」
示威、抗議、不合作運動、甚至公民抗命，其實只是用不同方式，以不同程度去增加政府管治成本，迫使作出妥協。不過這樣做有代價，也許承擔一定法律責任，甚至係社會代價。而今次「Hands Off!」活動，只是一個大型野餐，我認為，未必能夠迫使改變，但至少能夠讓人知道：「原來咁多人有怨氣。」
未來四年，我們會和家人、朋友，在餐桌上有更頻繁，更激烈的政治爭論，更多朋友圈破裂，更大社會分歧。你可以討厭領導人，可以批評制度，但你屋企飯枱，你願唔願意俾多兩分鐘時間聽下對面坐那一位小市民的想法？
總有一日，街頭風暴會過去，剩下來的，就是我們怎樣選擇生活、怎樣選擇相處。
-曾維燊
封面圖片來源：組織「2029一月」
