有奀皮仔昨日（6日）下午在電車上層忘我地玩扶手鐵欄，玩至整個人如倒掛車頂般，危險動作嚇窒網民。詳情見下圖及下文：
奀皮仔倒掛電車上層車頂逐張睇↓↓↓↓
踩著車頭鐵欄「登頂」
樓主昨日在facebook群組「香港交通及突發事故報料區」上載3張相片，留言「實時（4月6日下午2時23分）（呢個係阿哥，相片不是連環拍，他已經玩咗四五次，他細佬都唔弱，喺樓梯上落兩三次，有人落細佬才落冇上返嚟，我估家人坐下層）」。
相中見到男童起初握著車頭扶手，腳踏斜板在睇風景；接著可能以車頭扶手借力，踩著鐵欄「登頂」，握著車頂的扶手，整個人如倒掛般攀爬。男童的舉動似乎未有人制止，身旁坐有一對忙於以手機拍攝車外風景的男女，身後有一名拿著滿載物品背心袋的大叔正準備落樓梯下車。
男童的動作如此危險，網民奇怪「父母做咩唔制止個小朋友咁做？」，樓主在回應欄補充「我估父母坐下面個層」、「家人應該坐樓下，好似銅鑼灣落車，自己識落樓下」、「家人應該坐樓下，他細佬都唔弱，樓梯都有上上落落，有乘客落車，他就有上返來」；樓主並自爆「未有位時，我企他後邊，我幾驚他跌落嚟」。
相關閱讀：奇葩瘦男港鐵車廂操筋 狂做掌上壓凌空揮拳
奀皮仔倒掛電車上層車頂逐張睇↓↓↓↓
相關閱讀：黑超筋肉人扶實車廂呢個位 坐空中無影凳 網民期待見到這一幕……
網民：睇得多蜘蛛俠
奀皮仔倒掛車頂的動作令人聯想到蜘蛛俠出場，不少網民留言估計男童「睇得多蜘蛛俠」、「蜘蛛俠上身」，並笑說「個細路被蜘蛛咬過？」。另有人覺得男童如此玩法像「去咗公園」，並驚訝「嘩……自由體操」、「嘩咩事呀！我以為佢想跳車呀！好危險！」。
不過，也有網民體諒，揚言自己也曾經奀皮，稱「當年我都係咁」，另有人擔心這可能是「過度活躍症」的表現。
根據香港電車的「乘客須知」，當中第3條和第4條分別提到「請勿阻塞樓梯或閘門通道，或在梯級上站立」、「請勿將身體任何部分伸出窗外」。
一名大叔早前在港鐵屯馬綫車廂展示臂力，雙手各自拿著一個藍色的扶手軟膠吊環引體上升在半空「吊吊揈」，惹來其他乘客側目，更巧合地從不同角度拍攝了兩條短片示眾。
