《造星IV》的楊安妮（WinWin）在未入行前與《造星V》亞軍黃家灝（KC）拍拖，發展到同居關係，不過去年女方怒斬6年情，及後，《星島頭條》獨家爆KC在日本練舞期間「偷食」雙方共同認識的日籍女生Kinari；當記者向WinWin展示KC疑似偷食的相片，女方的反應亦非常錯愕。日前，WinWin為超酸與阿杰主持的「機動電視台」節目《超杰出聊天室》擔任嘉賓，當中大談「最深刻的失戀經歷」，WinWin爆出前度的渣男行為，雖然沒有公開名字，但網民都猜測所形容的就是KC 。
WinWin輸了感情
WinWin透露這次是最深刻的失戀經歷，令她3日3夜沒有吃東西，她表示︰「我發現佢出軌，跟住佢仲要帶埋我去同嗰個女仔一齊食飯！我一直知道佢同緊一個女仔傾偈，仲要帶我去我最鍾意嗰間餐廳度食飯，係好核突囉！之後發現一啲蛛絲馬跡，原來早幾星期前，就類似……一齊食飯，三個一齊出去玩，佢哋喺我面前FaceTime……類似嘅事情。」WinWin 續指前男友的後續處理手法很錯，對方不肯承認自己「出軌」，甚至爆出多句反令她的心寒「金句」，當時前男友說︰「係我哋之間有問題所以先分手」、「你唔好賴落我同個女仔度啦！我哋已經冇以前細個一齊時咁好玩，你個人越來越認真，個女仔好支持我任何嘢」；而令WinWin最深刻的一句就是︰「個女仔帶到畀我嘅開心，係你帶唔到！」
相關文章︰獨家報道丨《造星》KC WinWin 6年情告終 「偷食相」流出孖新歡着情侶鞋同遊日本 舊愛聞言錯愕眼紅紅
WinWin感委屈拒絕進食
WinWin當時自動消失了1星期，3日3夜沒吃東西，更會哭醒及尖叫醒，她表示最傷心不是分開而是感到很委屈，「好似搞唔清一件事，然後你又唔道歉，又或者點解我同你一齊咗咁耐，原來最尾可以因為一個啱啱認識嘅女仔……（阿杰︰抹煞晒所有嘢）。」而在消失的1星期期間，男方完全沒有找過她，1個星期後WinWin再出現，前男友竟說出心寒的一句︰「其實你唔諗埋一邊嘅話，我哋係可以繼續做朋友個喎！你點解要咁唔開心啫！」
