雲浩影（雲姨）、黃淑蔓、麗英、ROVER早前分別到訪景嶺書院及博愛醫院陳楷紀念中學，出席由文化藝術生活平台電笠舉辦第二季《電笠：人人和音 SCHOOL TOUR》，同場還有香港籃球運動員李琪及香港交互繩代表TaiTsz，六個單位齊齊化身「激勵師」為同學們減減壓。雲浩影與黃淑蔓獻唱時，不忘走到台下與學生近距離接觸，又與學生們自拍。被網民譽為新一代女神的雲姨，直言年輕時個性比較執着，完全明白想太多的煩惱，寄語同學們要意識到自己鑽牛角尖：「當你知道自己喺牛角尖嗰陣，就會成功慢慢走出嚟，少少執着係OK嘅，唔好太執着啦！」
黃淑蔓︰攰就唞唞
黃淑蔓提到追夢的過程，自言5歲已經立志做歌手，目標非常明確，唯一阻礙是時間：「當你追夢嘅時間越長，你嘅熱誠同初衷，可能會慢慢被時間沖淡咗，最緊要係勿忘初心。當你攰嗰陣就take a break，諗一諗自己開始追夢嗰陣初心係乜嘢。」麗英獻唱《解咒說明書》為學生解除「壓力咒」，她說：「希望大家都可以放低嗰啲好有壓力、好困擾嘅嘢，例如唔及格嗰啲啦。」問到如何面對失敗？麗英自爆最深刻是由YouTuber轉型做歌手的經歷：「去咗個新嘅地方，見到好多好出色嘅前輩，意識到自己嘅不足，面對失敗嗰陣就會好沮喪。有兩樣嘢我會經常提醒自己，就係一定要有『耐性』同『堅持』。見到自己不足，就畀時間慢慢改善，而家做唔到唔代表之後做唔到。」又表示在音樂路上仍然是初哥，也會有感到挫敗的時候，最緊要有面對失敗的勇氣。
ROVER成員互講「我愛你」
至於新生代男子組合ROVER，認為朋輩間互相支持很重要，成員Kim分享他們建立默契的方式：「除咗夾Band外，多啲食飯、多啲一齊做唔同嘅嘢，我哋又會傾電話，互相分享心事。」身旁的成員Jason即笑謂：「你講到有啲曖昧咁。」Kim不諱言成員之間的關係好親密，又搞笑於鏡頭前互講「我愛你」。
