港媽攜兩幼女冒險樂園疑偷公仔 斷正囂張反喊報警：你唔攞都係去堆填區 職員最後咁處理｜Juicy叮

冒險樂園銅鑼灣分店「時代廣場Planet J」昨日（30日）結業前最後營業日，有港媽攜兩幼女在該分店，被網民發現狂扯機內的公仔。當懷疑偷公仔被喝止後，該港媽竟囂張反喊報警：「都就嚟執囉，你唔攞都係去堆填區㗎喎。」

有網民在社交平台Threads發布影片，公開當時情況，及事件最後處理方法如下：

港媽攜兩幼女冒險樂園疑偷公仔 斷正囂張喊報警：你唔攞都係去堆填區 職員最後咁處理…↓↓↓↓

樓主表示，昨日（30日）去冒險樂園夾公仔，見到隔鄰一名女子「踎喺度整咗好耐」，「發現佢原來喺度扯緊個公仔出嚟，我估唔到今時今日仲可以咁明目張膽……大佬呀，你帶住個小朋友，明唔明咩叫身教」，影片看到該女子攜同兩名年幼女兒。

影片看到樓主和朋友喝停該女子：「你唔可咁嘅喎……你攞緊咩呀？姐姐！」該女子竟回覆：「公仔囉！」樓主和朋友即向她解釋：「你都無夾中，要夾中先叫人嚟攞㗎喎。」該女子反駁：「佢話免費㗎喎，網上講有十次機會㗎嘛。」該女子所指「十次機會」，是指該銅鑼灣分店因結業推出向會員送50個代幣，免費玩夾公仔的活動。

樓主批強詞奪理：明唔明咩叫身教

但樓主表示事發在中午有關派代幣活動已一早已派完，樓主和朋友當時即向女子指正：「但係唔係咁樣自己掹！唔係咁樣自己攞㗎喎。」女子仍反駁：「都就嚟執囉，你唔攞都送去堆填區㗎喎。」樓主嚴詞指斥：「咁唔等於你可以咁樣攞，你呢個行為係偷喎，你依家係偷緊嘢！」

女子這時才站起身，並放下已扯出來的公仔，職員亦已趕到，樓主向職員講述情況，並指斥該女子：「你係黃咗至放番（公仔）係到。」女子未有認錯，更向職員建議：「一係報警囉！」這時聽到樓主朋友表示：「其身不正。」似暗示女子教壞其兩名年幼女兒，樓主表示：「咁係咪報警呀？我有拍片可以做證。」

同場加映：大媽攜兩子港鐵月台小便發惡罵職員 「無嘢啊！細路仔嚟唔切㗎嘛！」↓↓↓↓

大媽攜兩子港鐵月台小便發惡罵職員 「無嘢啊！細路仔嚟唔切㗎嘛！」

事發在港鐵沙田站月台，當時為晚上時間

一名戴鴨舌帽及口罩女子，與兩名小童在港鐵沙田站月台一角小便

一名港鐵職員勸阻：「係個角落頭，睇到㗎，上面閉路電視影住，有人睇住㗎，24小時。」

該女子拿著一包估計為裝有小便的紅色膠袋

她向職員表示：「我知道呀，唔會㗎，有個樽㗎。」估計女子將小童的尿液，裝在樽內。

該職員要求女子離開，「我要call清潔嚟清潔㗎，你直接行啦！」

女子這時開始發惡：「無人，無嘢啊！」竟不承認小童便溺

職員指出：「點會唔係呢，成袋尿。」

女子大發雷霆，將紅色裝尿膠袋，大力放在購物車上的背囊：「我放入面得唔得啊！」

職員即嚴詞指正：「罰錢㗎，你咁樣便溺！」

該女子即邊行邊反駁：「唔畀罰錢……我帶咗個樽啊，細路你嚟唔切㗎麻。」

職員表示：「細路仔，個個細路仔都嚟唔切㗎啦。」

女子突然又停步，拿出該袋尿液膠袋，和職員再爭辯

職員即向她表示：「依家咪叫你走囉，無嘈你囉！」

該女子才與兩名小童離開

該兩名小童走過拍攝網民時，做出「V」字手勢。

網民紛紛指斥女子無公德心，「支持港鐵職員 ，做得好！」「嘩兩個都讀緊小學喎，廁所都唔識去啊。」

「周圍比細路屙尿，仲惡過職員？？？就係呢啲人拉低晒我哋香港嘅形象與質素呀！！！」「佢兩個細佬不是2、3歲，點會忍唔到。」「支持嚴正執法。」

「香港鐵路附例」規定，污物等不得放置在鐵路處所，任何人不得致使、准許或容受污物、污水或其他厭惡性物體流入或進入或放置在鐵路處所的任何部分，違者最高罰款$5000及監禁6個月。

女子未有畏懼表示：「問題我無攞走呀嘛！你唔畀我攞嚟睇一睇，再攞返落去，唔得嘅咩！」樓主表示：「咁你同警察講囉。」

樓主在帖文中表示：「我估唔到今時今日仲可以咁明目張膽…然後問佢喺度做緊乜嘅時候，佢仲可以理直氣壯…佢就話攞公仔，跟住話如果唔攞嘅話，啲公仔都係去堆填區…大佬呀，你帶住個小朋友，明唔明咩叫身教。」

樓主交代事件後續，最後有兩名職員到來，「都係選擇放寬處理，咁我都明白嘅，始終最後一日同埋其實無謂搞大件事，大家帶小朋友嚟，都係為咗開心啫，到最後佢都放返隻公仔落去嘅(雖然係因為黃咗)。」

網民：教壞哂D小朋友

樓主又表揚處理事件的職員：「因為後尾，佢係有同呢位姐姐講咗一陣，然之後先放佢走嘅，類似係佢唔可以咁做，咁樣係唔啱規矩之類嘅內容。」該職員為答謝樓主亦提出由樓主自選一款公仔，免費送給她，但樓主最後「都冇要到」。

帖文引發熱烈迴響，不少網民批評該女子懷疑偷竊公仔，卻仍強詞奪理，有教壞子女之嫌：「真係好肉酸！」「公仔一個，何必以身犯險？教壞咗個女第日偷嘢，今次無事，下次啲人揸正做個女就留案底了，為乜呢？」「痴線…人哋打開門做生意㗎…咁好多嘢都會去堆填區，你咪樣樣都偷，教壞哂D小朋友。」

同場加映：上水母子被指港鐵站偷麵包 怒掟包斥送貨員誣衊：「你話啱食，你攞啊！」↓↓↓↓

上水母子被指港鐵站偷麵包 怒掟包斥送貨員誣衊：「你話啱食，你攞啊！」

事發當日下午約1時15分，上水港鐵站內一間連鎖麵包店的送貨員，與該對母子發生爭拗。

目擊網民指，該對母子被送麵包職員，指責涉嫌偷取放在路邊，等候運送的麵包。

影片看到，送貨員推著一堆麵包，正致電查詢港鐵站的出口位置，似為通知麵包店職員到場。

一名頭戴鴨舌帽的男子，正與送貨員對持

他不斷其身旁母親表示：「媽，你走先，你返屋企！」

其年邁母親則問：「咩事啊！」

男子則回應：「我條我條氣唔順，同佢（指送貨員）講嘢！」

其母不願離去，男子再好言催促：「我係要同佢講嘢，你返屋企！你行返屋企。」

這時有路人問這對母子情況

鴨舌帽男即強調：「唔係（偷麵包），我自己買咗啊！」其母亦表示：「我自己買咗啊！」

男子繼續申辯，指當時剛買完麵包

見到正在運送的麵包盤上，有和自己剛買完的同款麵包，「你（指送貨員）話啱食啊，你攞啊！」

男子表示當時亦感驚奇：「吓，真係㗎，你攞！係咪啊！係咪啊！」

他以「係咪啊」怒斥送貨員要求對質，但送貨員只回應：「係咪乜嘢？！你想點，依家，冷靜啲！」

男子再怒斥：點冷靜啊，依家，你咁樣講嘢法！」

送貨員表示：「依家邊個唔冷靜。」男子即回應：「我唔冷靜囉，我畀人屈偷嘢喎！」

送貨員表示：「咁你想點樣？」男子即要求：「你講對唔住囉！」

送貨員即表示：「得，對唔住，但要等…（似為職員）嚟埋喎！」男子即大聲答：「好呀！」

這時路人指有麵包丟在地上，男子母親即拾起交與男子

男子將麵包大力掟回運送盤中，並從母親手堆車中拎出一包麵包，強調：「我攞返我麵包！」

男子指，剛才丟在地上的麵包不是他們所有，「呢個我唔係我哋。」

剛從母親手堆車上拎起的麵包，才是他們購買，其母親這時亦謂：「我哋係呢個。」

男子拿著自己購買的麵包指：「我地啱啱買完架。」

他再度指斥送貨員誣衊，強調當時只是見到送貨同款麵包：「依個係我哋啱啱買完嗰個黎個喎，你(指送貨員)話，攞啊……」

送貨員這時打斷男子說話，強調：「周圍都係天眼，唔駛講咁多嘢。」

男子即回應：「好呀，睇吓，你有無講嘢。」送貨員亦表示：「我無所謂㗎。」男子亦表示：「我都無所謂。」

各人在現場守候職員到來，這時男子不斷叫母親先走。影片至此結束，目擊網民未有交代最後結果。

網民熱議事件，不少人認為不用多爭拗應該報警：「報警睇天眼啦！講咁多。」「有無搵地鐵職員睇cam？跟住直接報警啦，咁大口氣。」