賽馬是遊戲，我只希望開開心心，中固然好，就算唔中，有得嗌也冇壞。另一娛樂為看見騎師贏馬後，在凱旋門的燦爛笑容。你除非變態，否則一定喜歡見到笑臉。
香港騎師贏馬，並非個個笑 ，最明顯的是經常「 口 面」的布文，以及大多數時間騎到（贏到？）麻木的潘頓，兩人可能贏馬太多，騎得太久，已甚少有種由心而出的滿足感。總之贏完應酬 馬主影張相，就急急轉身走人。
潘頓幾時笑？贏大賽執金，再Call埋老婆仔女影威水相時，就「真笑」。
其他騎師贏馬笑容最燦爛的，有田泰安、艾兆禮、潘明輝、梁家俊及楊明綸。
當然最人見人愛的，正是當今唯一女騎師「黃寶泥」黃寶妮，次次見到佢入凱旋門，次次由心笑出，純真而美麗，真的睇 都是享受。
今日跑馬，周六賽事通常會不停爆，所以我不再認認真真刨馬，改而買「笑容騎師」。
第三場一千米，知人善用的韋達，再借用寶妮妹，減十磅騎「不可擋」。此馬為一千米專家，曾三W五Q十P，今次排九檔，正路跑法開閘彈出領放，中途留一留，回一回氣，然後最尾一百米去盡狂推及開鞭。
呢場我喜歡本地薑，就用寶妮妹拖黃智弘的「美麗老撾」，一千米出三次，一W一P，準繩。要埋蔡明紹的「金金小子」，出一次一千米即入Q，不過，小弟冇興趣買蔡仔W，因佢正是本地騎師中，贏馬唧都唔笑一類，冇睇頭。
另一場二班千六米，有點古怪，正是出馬少少九隻，姚廄竟然佔三隻，玩咩？
如此布局，理應是用重磅「筋斗雲」幫同廄「陽光勇士」及「非唯僥倖」 輕磅。
咁就買「笑容騎師」艾兆禮隻「非唯僥倖」啦。
