巴士車長拒開車怒斥粗口阿伯：「個兩蚊雞係到玩嘢！」全車乘客做和事佬 最後咁收科｜Juicy叮

有開往旺角的巴士昨日（15日）發生車長與乘客衝突，車長疑不滿被一名阿伯粗口辱罵，拒絕開車，車長怒斥該阿伯：「個兩蚊雞係到玩嘢！」全車乘客紛紛做和事佬。

有網民拍下現場情況及最後結局如下：

巴士車長拒開車怒斥粗口阿伯：「個兩蚊雞係到玩嘢！」全車乘客做和事佬 最後咁收科↓↓↓↓

涉事巴士為213D路線九巴，來往秀茂坪及旺角，有目擊網民在「車cam L（香港群組）」FB專頁分享現場情況。

樓主表示，昨日（15日）中午12時左右，巴士駛至何文田嘉道理道站時，由於前面巴士未開出，所以車長「就泊係離開站台小小位置畀乘客上車」，結果一名阿伯上車後，「開始發牢騷」。

樓主表示，該阿伯以粗口罵車長：「Ｘ，都唔知點揸車，泊得咁Ｘ遠。」車長亦以粗口回應：「Ｘ，前面㗎車未走，點埋站啊。」阿伯未有退讓，繼續罵車長：「Ｘ，咁Ｘ躁就唔好揸車啦。」車長再回應：「Ｘ，你個兩蚊雞，畀兩蚊仲阿支阿左。」樓主表示，結果車長「發爛渣，係下一個站停車，要所有乘客落車轉另外架車」。

同場加映：財政預算案日撞正「超狂長車短搭」 伯伯去左近棄$2.5輕鐵坐$24過海隧巴 網民：新做法可解決問題？↓↓↓↓

財政預算案日撞正「超狂長車短搭」 伯伯去左近棄$2.5輕鐵坐$24過海隧巴 網民：新做法可解決問題？

財政預算案2025宣布將「2元乘車優惠」改為「兩蚊兩折」優惠，價低於或等於10元，維持繳付2元車費；票價高於10元則繳付全額的兩折。

有網民於財政預算案公布當日，在社交平台發布影片，指遇到一名「幾跨張」的長車短搭長者。

他表示：「今日香港公布咗最新嘅財政預算案，當中最令人關注嘅，就係長者乘車優惠嘅問題，你有冇諗過，呢啲優惠實際上係幾誇張？」

他遇到的這名長者，在屯門山景邨搭巴士去屯門市中心

「根據Google Maps，呢段路程只係2公里」。

樓主指，這名長者選擇搭乘過海隧巴961線，由山景去屯門市中心

「佢揀咗搭九巴961，單程車費竟然係$24，而大家幫佢支付咗其中嘅$10（長者半價車資$12，扣除$2元，政府補貼$10）。」

「呢個只係一個人嘅車費……」

樓主指，其實該巴士站附近就有輕鐵站

「喺山景巴士總站200米內，就有個輕鐵站，而輕鐵只需$2.5（特惠車票）就可以無需轉車直達屯門市中心。」

樓主憂慮財政預算案提出「兩蚊兩折」，是否能杜絶「長車短搭」：「即使即將有新做法，亦未必能解決長車短搭嘅問題。」

樓主又重申發帖「完全冇批鬥成份，亦都冇任何偏見，亦冇提出要取消長者優惠。」

「只係陳述緊社會上係有一班人用緊最貴嘅價錢搭最短程嘅車，同埋有個空間俾大家放低自己嘅睇法。」

帖文引發熱烈迴響，反應兩極，部分網民認為不應針對長者：

「點解長者福利要有咁多限制？佢貢獻咗大半生，連啲福利都冇仲要比你地限制生活自由。」

「點解要成日針對老人家嗰兩蚊，老人乘車優惠實施左咁多年，只係用左百零億，其實d議員都講左就算cut，對於財赤幫助亦不大。反而公務員薪酬先係最大舊，d人淨係會攞弱勢社群嚟轟。」

對於樓主拍到的長者選巴士而不搭輕鐵，有網民呼籲體諒：

「有冇諗過，200米對一個老人家，會係辛苦嘅？」「因為過海巴士車密，唔使等半個鐘先有下一班。」

不過，有網民則表示亦遇過跨張的長車短搭：

「元朗更誇張968車費$27，每日大批長者由元朗西總站上車，去下一站開心廣場落，講緊比輕鐵一個站更短的路程，真係睇到都心酸。」

「話針對老人家嗰啲，有冇諗過個問題係出於短途但搭左長途車，唔過海但搭過海車，多左嗰幾十蚊係納稅人畀緊錢，留返呢舊錢用係醫療方面，係咪仲幫到老人家同社會大眾？我唔覺得益左巴士公司之後會回饋大眾囉，啲車費係咁加都冇減。」.

樓主公開的影片看到，巴士車長停站後，停車並打開車門，現場傳來乘客詫異聲音：「佢係咪叫我哋落車？」車長站在車門，叉腰表示：「個兩蚊雞係到玩嘢呀嘛。」影片聽到該阿伯反駁：「咩玩嘢？（你）係唔埋站呀嘛。」

車長反駁：「Ｘ你老Ｘ，有車係前面，我點樣埋站呀，Ｘ你老Ｘ。」阿伯即時激動反駁，這時不少乘客大聲勸阿伯不要再爭吵：「唔好嘈啦！」「佢都開車畀你上嚟啦！」「因為前面有㗎車！」

有乘客更走到阿伯座位，指著阿伯教訓一番，有乘客大聲勸車長：「算啦，算啦，司機，由佢啦！算啦，算啦！」有乘客更走向車長，似為好言安撫車長。

網民：公公婆婆大哥好齊心

這時有乘客不值阿伯所為，大聲罵阿伯：「你上咗車咪算囉，咁勞氣做咩嘢！」「畀你上咗咪算囉！」「唔停車無畀你上就話啫！」多名乘客再走到阿伯面前，似希望他停止責罵車長：「話人老母，仲咩講粗口啊。」

這時車長重新關上車門，有乘客說：「好啦，好啦！」車長再恢復駕駛，有乘客大聲讚揚車長：「唔該晒，司機！」

不少網民撐車長，認為阿伯無理取鬧：「啲人淨係講自己想得到嘅既野，（車長）好多時埋唔到站，唔通係到等，個個站等多幾分鐘，其他站遲咗，其他人又係嘈，就得邊個！」「未到站位唔開門又Ｘ！早小小開定門又Ｘ，冇人叫佢一定要即上車㗎！可以等巴士到位才上車！又冇人揸支槍指住佢叫佢上車。」網民又大讚乘客齊心合力安撫車長：「公公婆婆大哥好齊心。」

九巴乘客須知列明，嚴禁使用任何恐嚇、侮辱、辱罵或不恰當的言語或動作，或以任何其他方式騷擾車長或車廂內之乘客。

同場加映：2元乘車優惠︱「兩蚊兩折」正價定半價計？長者「半價」再兩折？答案揭盅計法係咁：↓↓↓↓