一片薄紙能擋萬千春色？有乘客早前在巴士下層開揚位置，直擊大叔疑開大喇叭睇鹹片的尷尬奇景，而大叔竟然想到在手機熒幕前，凌空拿著一個白信封作掩護，更是奇上加奇。
大叔巴士上疑開大喇叭睇鹹片逐張睇↓↓↓↓
樓主：信封成掩護 但忘記靜音
樓主在社交平台Threads上載相片發帖，指「呢個阿伯識玩，搭$2車嘆冷氣霸住個關愛座欣賞愛情動作片，仲識搵個信封做掩護……但唔知佢係咪撞聾……佢唔記得校靜音」。
相中的大叔戴口罩、圍頸和穿厚衣，孭著袋子，其他隨身物品任意放地上，騰出的雙手，一手拿手機，一手凌空拿著白信封；大叔的視線，似乎正緊緊盯著手機熒幕，看得正入神。從大叔座位前的玻璃倒影所見，懷疑其身旁坐有乘客。
網民對一片凌空的薄紙，到底能遮擋到多少春色感到非常好奇，有人直接給大叔代言，笑說「吓！信封擋住咗你都睇到我播啲聲？」；另有人笑言「佢都係帶少少激情俾啲返工返學嘅香港人」、「與眾同樂啫」。
大叔巴士上疑開大喇叭睇鹹片逐張睇↓↓↓↓
網民：唔可以外放
有網民則正經地討論配戴耳機的事宜，指——
•「有耳機冇問題，外放（聲音）就要Ｘ」。
•「我覺得睇都唔係問題，問題是唔較靜音or（或）戴返耳機」、
•「所以我冇反對佢睇，但唔好開speaker（揚聲器）lor（囉）」、
•「呢個先係重點佢睇av（成人電影），係佢自由，但唔可以外放」、
•「如果佢有戴耳塞嘅話又俾你見到咁嘅情況你會唔會po（發帖）佢上嚟？」。
有網民奇怪「無其他女乘客咩？我應該會忍唔住Ｘ出聲」。有人更大罵大叔是「老而不」，且像「隨時都拎出嚟睇咁 」。還有人借題發揮，指乘巴士最怕遇上的事，包括「咳、剪手甲、大聲講電話……」。
相關閱讀：露膊港女巴士睇鹹片網民勁讚：好少女仔咁夠薑↓↓↓↓
網絡早前熱傳影片，有著露膊衫港女在巴士上公然睇AV，影片引來網民熱議：「好少女仔咁夠薑。」↓↓↓↓
