街頭樂隊The Flame上周在灣仔海傍busking，深受市民歡迎，高峰期一度吸逾過千人圍觀，除主唱Kit（張潔瑩）成功召喚男神謝霆鋒在iPad 連線合唱，另一樂壇前輩張敬軒（軒公）亦突襲現場，引起全場起哄。不過，日前軒公就被YouTuber兼前新城DJ關逸揚及組合C AllStar前老闆簡敬慈公開質疑他的出現早有預謀，並直指他為人不低調；對此，軒公亦親自帖文回應。
張敬軒被夾攻
The Flame上周在灣仔海傍busking，成功召喚了謝霆鋒透過iPad連線現身合唱後，軒公亦突然現身人群中，令全場粉絲瘋狂尖叫，軒公除應觀眾要求即興合唱，其後亦坐在地上看表演。不過，軒公的出現卻被YouTuber關逸揚質疑，關逸揚在自己的社交網分享當日busking 的相關新聞，並發文指軒公「低調？佢邊一日有低調過」，而組合C AllStar前老闆簡敬慈就留言和應︰「所有嘢都係計算之中，做咩事，喺邊度出現，請咩嘉賓，機關算盡。」
相關文章︰楊受成率300個藝人員工觀《哪吒2》 張敬軒勾起兒時回憶 李幸倪帶父母一同感受
張敬軒惹罵戰
帖文一出，引起大量軒公的歌迷湧入二人的社交網，並留言指責：「身為行內人，身份敏感，對事件未全面了解就妄下判斷」、「當日有記者係因為謝霆鋒，而唔係軒公安排」、「又有人借軒公擦流量」、「自己無人氣咪要借軒公炒話話題囉」、「咁冇品，唔怪得你做咁多年DJ都冇人識」等等。關逸揚的言論被網民炮轟，但他不但毫無歉意，更出動粗口連環出post狂踩軒公的粉絲：「根本無意同嗰班弱智爭拗大家唔同LEVEL 」、「你班人好x LOW，我連再同你哋INTERACT都覺得嘥我啖氣」、「咁低質嘅FANS，唔好以為自己幫緊你偶像，你班人係影衰緊佢，羞家，你哋咪繼續攻擊我啲平台囉，見一個BLOCK一個。」其後，又發長文暗指軒公非提攜後輩，而是騎劫演出。
張敬軒高質回應
事件持續發酵，昨晚（10日）軒公就在社交網作出回應，EQ極高的他留言寫道：「兩分觀世界，八分觀自己。不顧別人是非，常觀己過。我哋多啲望自己，過好自己嘅生活。生活係自己嘅，自己過得好、過得開心最緊要。大家唔好咁勞氣，今（昨）日星期一，又係農曆嘅天赦日，一切嘢都要好呀，多結善緣，生活自然就會順㗎啦」軒公的大方回應盡顯修行。其實，The Flame 打從2012年開始，已在銅鑼灣街頭演出，而軒公多年來都有留意這個組合，並非常支持，去年更在社交網轉發他們的片段，寫道：「流行曲真正嘅意義就係為喺呢個地方入面生活嘅人，帶來共鳴同埋療癒，多謝Kit喺呢個微雨分飛嘅聖誕夜晚唱咗《騷靈情歌》，仲有上次唱嘅《餘震》，感動2」軒公更呼籲網民要支持阿Kit，相信軒公今次現身busking ，完全不存在所謂「機關算盡」的因素。
