鄒凱光搞Talk Show持逆向思維講男女關係：唔做正印就冇「小3」丨獨家

搞Talk Show講男女關係 鄒凱光持逆向思維：唔做正印就冇「小3」(大題) 事隔12年鄒凱光（灘叔）再次挑戰獨腳戲，舉辦個人Talk Show《男性的弱點》（WEAKipedia of Men）， 他形容今次是一個港女會開竅，港男會尖叫的Talk Show，由男性角度出發，貫徹尖銳嘴賤風格論盡現今種種男女關係，並會以56歲的男人角度睇男人，坦言男人有好多缺點，只不過女人包容度大。採訪：方騫平

Talk Show中灘叔指出男性的弱點。

再貫徹尖銳嘴賤風格論盡現今種種男女關係。

鄒凱光曾經收入不穩定需要賒借度日。

他慶幸時至今日還算可以生存到。

鄒凱光將在本月22至23日，一連2日於旺角麥花臣場館舉辦個人Talk Show，入行36年的灘叔由燈光助理、編劇至導演，從幕後再走到幕前，更做過電台節目主持，近年夥拍余迪偉及阿Bu主持YouTube頻道《三叔公園》直播節目，擅長為兩性關係及熱門議題分享獨特見解，坦承自己是口賤，不過說話有point。

事隔12年灘叔再次挑戰獨腳戲。

鄒凱光將在本月22至23日，一連2日於旺角麥花臣場館舉辦個人Talk Show。

去年余迪偉、灘叔和阿Bu在麥花臣場館舉行一連5場「三叔Talk Show《壞-ology》」，反應唔錯。

三位「叔叔」在最後的合唱歌《冇㗎喇 冇㗎喇》，尤其余迪偉每場都喊。

三人在台上扮鬼扮馬。

三位「叔叔」與全場觀眾大合照。

大前輩俞琤（左二）帶備喉糖給三位「阿叔」。

「三叔Talk Show《壞-ology》」，余迪偉及灘叔在尾聲時也忍不住落淚。

去年一連5場三叔Talk Show反應唔錯。

雲浩影（右二）睇到眼濕濕。

鄒凱光與余迪偉及阿Bu在台上扮鬼扮馬惹全場觀眾發笑。

魯庭暉（左二）亦有到場欣賞演出。

灘叔直認男人有好多缺點：「唔細心，對另一半唔好；冇耐性，心散易鍾意第2個，就算未必係花心都會搞壞兩者關係；集中又力低。」追問男人係咪有錢就身痕？他卻更正說：「其實有冇錢都會身痕，冇錢仲會痕多啲，因為多嘢會恨…」因此，他認為男人有「小三」是正常嘢，當一個男人有咁上下有能力，身邊女人就會要脅留住個男人，所以逆向思維不好做正印，做咗正印就冇機會做「小3」。向來都有不少女性朋友向他傾訴感情問題：「我會畀啲另類貼士，一般女人見老公有『小3』會去踢竇，我反而覺得點解唔可以共存？何不同老公講『咁好好照顧自己啦！』，男人聽到可能會仲驚，反而覺得handle唔到，男人係唔會鍾意光明正大『偷食』嘅，所以要先要解決核心問題。」

灘叔和黃偉文曾係商台同事。

經濟差只能吊命

Talk Show中還會提到面對逆境有咩想法，鄒凱光曾經收入不穩定需要賒借度日，時至今日還算可以生存到，不過講返辛酸史都帶點唏噓，坦言：「我成世人冇做過穩定嘅工作，以前做電影『三更窮五更富』，疫情下就更難過，我唔係要有好多錢，因為只係負擔自己，而係搵唔到收入，要問人借錢頂住生活，其實大家都明白，開口問人借真係唔容易，有時見朋友急需要錢應急，唯有將借到嘅借一半畀佢。每次我借完錢會同自己講『希望今次係最後一次』但世事邊有得估呀，好彩開咗網台有好多人支持，𠵱家搵到錢，有收入已經好好啦，𠵱家經濟差，只能吊住條命。」他有感而發說：「一個男人去到某個年紀，唔會再追求夢想，只求係生存，唔好再發綺夢，諗下用乜方法好好咁生存，喺死之前覺得呢世人唔差，冇乜遺憾就得喇。」

2014年底灘叔執導電影《12金鴨》，由劉浩龍、BabyJohn、吳君如及姜皓文演出。

014年灘叔執導蘇永康《有過你》MV，謝安琪為MV女角。

近年灘叔夥拍余迪偉及阿Bu主持YouTube頻道《三叔公園》。