有網民日前駕車經過獅子山隧道，出隧道後即見隧道職員「行咗出嚟」，未幾，見到一名婆婆攜X光片在公路旁邊行走，他感覺事有蹊蹺，即停車向婆婆查問，並施以援手。
樓主在社交平台Threads公開當時車Cam影片，及交代事件經過如下：
婆婆攜X光片獅隧公路行走 好心司機停車施援：佢話迫於無奈行出去↓↓↓↓
樓主在本周一（3日）下午12時25分左右，在獅隧出口的公路，看到一名婆婆靠左邊走，她手上拿著Ｘ光片。他在帖文中表示：「阿婆行得快 一定有古怪，出獅子山隧道無耐就見隧道職員行緊，心諗一定有古怪，然後見到阿婆行緊，慢車打死燈停低。」
他解釋：「本身係我前面其實仲有兩、三架車，一開始已經收慢咗，加上隧道職員行咗出嚟，所以已經覺得唔對路，地下一定有啲嘢留意緊。」樓主最初懷疑婆婆可能患有認知障礙，但查問下原來並非如此，「好彩阿婆唔係思覺障礙（認知障礙）而走上公路。」
他說：「理解到阿婆當時嘅困境嘅，佢喺獅子山隧道口早咗一個站落車，本身嗰個巴士站淨係畀隧道員工上落，巴士唔係班班停，的士又唔會經過，所以佢話截唔到車迫於無奈行出去，佢都知有危險。」
同場加映：92歲婆婆露宿深水埗街頭 千金小姐出身旺角有樓 因心酸原因瞓街4年：↓↓↓↓
樓主了解到婆婆只是「睇完醫生落錯巴士站」，「迫於無奈」打算行路返家，樓主於是邀請婆婆上車，義務接載她回家，「最後送咗阿婆返屋企樓下。」
樓主說：「知道婆婆唔係思覺障礙（認知障礙）走失後，已立刻叫婆婆上車，送咗佢返屋企。自己都有參與過義務搜索，知道有機會係走失個案，都好小心去處理。」
樓主的善行獲網民激讚：「你真係好好人，多謝你嘅善舉。」「人生真係好短，做一些好人好事，一定要讚！！！ 」「日行一善，此間有你真好，祝路路暢通，事事順利。」樓主則留言回應：「世界上仲有好多好人，我做嘅嘢只不過係微塵中既微塵，微不足道。」
同場加映：尖東「富婆」搭的士「垃圾袋」墊位 嫌車廂臭拒司機借香水辟味：「咁cheap，我枝兩萬！」↓↓↓↓
