變幻原是永恆。友誼能否永固，且要看大家緣份深淺。尤其移民他方後，能否與老地方的老朋友維繫感情，實在是門學問。
樓主近日在社交平台Threads發帖，以「英國生活」為題，大談移民後與惜日摯友漸行漸遠的唏噓↓↓↓↓
網民：交流質素冇變
回應帖文的網民反應兩極，有成功維繫的表示：「我同我個老best（最好朋友）分別同一日離開咗香港，一個去咗英國、一個去咗加拿大。雖然以前成日都行去佢個位度同佢講嘢，而家喺一年可能只係講到兩個+1hour（小時）電話，但係我同佢嘅交流雖然係physically（身體上的）少咗，但係其實交流嘅質素冇改變到。如果兩個人都有心維繫嘅話應該維繫到嘅。不過我同佢成20年啦」。
樓主現身回應：「好珍貴。我都有幾個朋友，到而家都仲有聯絡，都10年以上交情」。該名網民補充「其實我呢個老嘢呢好多朋友都識咗10/20年以上。因為我返同一間教會。我亦返咗間公司20年。呢啲朋友大家共同經歷咗好多嘢，大家明大家點解成為而家嘅你我。實在好難搵新嘅朋友代替」、「我哋唔會需要成日溝通，耐唔耐update（更新）下大家可以㗎啦」。
相關閱讀：移英港人回流原因逐樣數 敗走家長呻英國學校原來無ＸＸ？
移英港人呻與留港摯友漸行漸遠逐張睇↓↓↓↓
網民：傾偈就住就住 怕以為講風涼話
但有無法維繫的網民坦言「我覺得香港之後會愈來愈差，除非本身有錢嘅會好啲，或者咩都唔理，淨係飲飲食食嘅就OK，但唔好意思同留港嘅朋友講，怕人哋覺得我講緊風涼話。咁傾偈都要就住就住，不如咪傾啦。所以我已經好少同香港朋友聯絡」。
樓主和應指「+1 ，人各有志，講唔埋欄真係唔好做朋友，反正朋友對我嚟講唔係必需品。同道為朋，同志為友。道同志都唔同，唔往來其實唔可惜」。另一網民則以「很欣賞你的豁達態度。即使志向相近，但相隔萬里，難免日漸疏離」作回應。
相關閱讀：移英港人無糕過年 撐港店訂年糕多人疑被騙 苦主斥店家「大話冚大話」
移英港人呻與留港摯友漸行漸遠逐張睇↓↓↓↓
還有一批網民態度豁達，指：
•「知否世事常變，變幻原是永恆」。
•「其實人本來就會唔同年期咁疏遠」。
•「聚散有時，頻率不同，無謂難為大家」。
•「任何關係嘅離別，都係挑戰互相嘅感情基礎」。
•「睇返香港以前生活真係好前世今生，但係都要習慣」。
•「君子之交淡如水，無用牽掛，無用繾綣，就讓一切隨風」。
•「以前會好執著點解會咁，大病完之後發覺有啲嘢都唔到你揀，就會識得放手」。
相關閱讀：移英港人瘋狂「囤米」塞鞋櫃邊惹非議 當地港人斥「肉酸」：「嚟到呢邊做咗蝗蟲！」
部分移英港人早前在社交平台晒瘋狂「囤米」的戰績，甚至因為囤積大量食米，無位放要塞入鞋櫃邊，有當地港人直斥「肉酸」，可能引致短缺：「可唔可以做埋呢啲蝗蟲嘢唔好？……你香港人鬧人哋幾廿年嘅嘢，嚟到呢度自己做返。」↓↓↓↓
