韓國女生觀塘商場求「幫做功課」疑招教徒 港女爆恐怖經歷：「佢專target想女仔為主」｜Juicy叮

有港女在觀塘一個商場遇到韓國學生，要求女事主好心幫忙「做assignment」，結果被遊說做義工，女事主公開經歷，懷疑對方在招攬教徒，「越諗越唔對路，佢好似target想女仔為主……」

女事主公開經歷後，有不少女網民分享遇到同類情況，呼籲大家小心，事件詳情如下：

韓國女生觀塘商場求「幫做功課」疑招教徒 港女爆恐怖經歷：「佢專target想女仔為主：↓↓↓↓

女事主在社交平台Threads發帖公開親身經歷，她表示，在周四（20日），當日在觀塘一個商場購物後，遇到一個自稱韓國學生表示「做assignment要present，阻阻我3分鐘」。

女事主「無懷疑就ok」，但見到該韓國女生「隔離有個香港人傍住佢」，誰料該韓國女生竟開始向女事主大講宗教，「內容都係聖經早過科學 所以聖經係可信的 blablabla……」，最後該韓國女生叫女事一同去做義工。

女事主即時拒絕了她，她發現，該兩名女子走開之後，再找下一個目標，都是女性，「越諗越唔對路，佢好似target想女仔為主？」這時讓她即時想起南韓攝理教教主鄭明析，被控性侵多名國內外女信徒的事件，「就係揾啲年輕女子入會，巧恐怖。」她呼籲網民留心在意：「無咩，純粹分享下，大家自己睇住吧。」

同場加映：美女黨？兩女九龍城撩司機搭順風車 3男藏身街角疑不軌 事主爆後續：↓↓↓↓

美女黨？兩女九龍城撩司機搭順風車 3男藏身街角疑不軌 事主爆後續

事發在本月（12月）21日下午約3時，事主強調「我唔係的士」

他駕私家車駛至九龍城衙前圍道及南角道交界

停車等轉燈時，有兩名女子突然走至

其中一人手拿一盒飯盒

事主較下車窗，車cam片錄到當時的對話

兩名女子操流利廣東話

其中一名女子向司機說：「先生，唔好意思，我哋有啲趕時間，可唔可以車我去荔枝角啊。」

另一名女子亦幫口：「啱啱做完嘢收工，趕時間返荔枝角。」

事主聞言回覆：「我依家都好趕時間喎。」即時間接拒絕

但兩名女子仍不放棄，以微嗲聲線繼續「死螺」：「唔該啊，幫吓忙啊，唔該啊！」「唔該啊…」

但事主不為所動，再次強調：「我都好趕時間啊，唔好意思啊！」

女子這時知難而退，臨走前亦有禮貌地表示：「唔該晒！」

從車cam片看到，兩女子身後，有3名男子隨後。

當兩女走近事主汽車時，3名男子亦跑近私家車。

3男望實私家車，似在伺機而動。

當兩名女子撩搭順風車失敗時，即跑向該3名男子

其中一名男子手指向前方，似有「新目標」

兩女子即急急沿方向跑去

帖文引發網民熱烈迴響，不少人懷疑兩女與「跟尾」三男有不軌企圖 ：

「件事唔簡單，後面三個佬跟到實。」「跟尾嗰3個男人，離遠觀察，以為可以上車，先快步過嚟，賊！」

有網民甚至聯想到深圳90年代六魔女色誘殺司機的舊聞。

有網民又指該地點最近頻頻出現有人兜搭想「搭風車」的情況：「有啲人話呢個位成日有人想黐車坐，咁係咪成日都係呢班人？」

事主在回應網民留言時表示，當時無留意有三名男子隨後。

有網民指如事主答應讓兩女搭順風車，「三條佬跟住上車」，事主亦認同這情況「可能」會發生。

不少人替事主暗捏一把汗：「你咁大膽唔識都開車窗講野，唔怕佢地噴你（迷暈）煙？」「後面仲有三條仔跟尾，上左車容咗你都未知咩事啦。」

「最大機會上咗之後畀人脅持，又或者屈司機非禮吖，然後勒索。」

「5條友的士費都慳，不過可能上咗車有第2個故仔。」「可能係新騙局，大家小心。」

事件引發網民熱議，不少人留言指亦遇過相同情況，「我響觀塘遇過兩次，有時香港人有時韓國人，佢地專搵一個人行街既後生女，佢地係周圍望，一target到就衝向你面前。」「係（葵涌）新都會（廣場）都遇過兩次，第一次行過嚟話係assignment定點，要做返個分享，就停低聽佢地講……」

「第二次我咁啱同個兩個女仔對上咗眼，佢地快步咁行過黎，都係話要做assignment，但係呢次就即刻拒絕咗，超快咁離開咗。」

網民紛紛舉報出沒地點，竟遍布港九新界：「上年係cityu入面俾佢地叫停過3次。」「喺hku都有。」「早排喺(旺角)moko遇到！」「尋日係鰂魚涌遇到。」「我喺黃大仙地鐵站遇過。」

網民：有上過佢哋教會

有網民表示曾查過該韓國女子所屬宗教團體，指並非南韓攝理教，但屬異端教派，「佢地扮大學生present傳教，話咩有一個父親上帝，另一個係母親上帝，好kick，讀過基督教都知唔make sense，真係呃無知少女。」

有網民表示，曾「有上過佢哋教會」，「3個人圍住我同我講解聖經，我聽完一次就無再去……咁佢除咗講聖經說服我信之外，又無做啲咩，我都唔信，但佢啲powerpoint整得幾靚。」

同場加映：觀塘人氣餃子店「員工」出餐位剪指甲 店家否認是職員：佢係嚟玩㗎咋！上榜衞生署「星級有營食肆」：↓↓↓↓