今（25日）中午1時06分，一部白色Tesla私家車由紅磡經過海底隧道過灣仔，一入隧道口期間，一塊約直徑一呎多的石屎從高空墮下，擊中私家車的車頂金屬片，再滾落車頭冚，砸爛車頭的「鬼面罩」，幸女司機及車內一名女乘客無恙，女司機直言「好彩人冇事」，但大嘆後續麻煩，需經民事索償。
白色Tesla停在隧道口。楊偉亨攝
鬼面罩亦被砸開。楊偉亨攝
車主兼司機黃女士講述事件經過。楊偉亨攝
鬼面罩亦被砸開。楊偉亨攝
車頭遭刮花。
警員到場調查。楊偉亨攝
女司機黃女士表示，事發時她由紅磡經海底隧道過灣仔，在紅磡一入隧道口快線，便有一大塊石屎墮下擊中車頂。「塊石屎直徑一呎多，最初以為會揼爛架車，好彩石屎跌落車頂金屬位，車頭玻璃冇事，再碌咗落嚟，連鬼面罩都砸開埋。」
因緊急維修而封閉的海底隧道(往香港島方向)的管道快線，大批工程人員進行維修。
因緊急維修而封閉的海底隧道(往香港島方向)的管道快線，大批工程人員進行維修。
現時紅隧已解封正常運作。楊偉亨攝
現時紅隧已解封。
被問到心情，黃女士坦言「我都唔識講，依家了解咗原來保險都麻煩，要經民事索償，大佬，又唔係交通部畀張報案紙我慢慢Claim保險，我要經民事去索償，我依家好彩人冇事，但後續好麻煩，好明顯係佢哋疏於維修問題，佢哋職員話，以前嘅case，石屎跌落嚟仲大嚿都有呀，我都唔知好彩定唔好彩。」
她形容墮下的石屎屬不規則形狀，直徑超過1呎，「感覺好大嚿」，她又直言當時「好驚，因仲有乘客，驚揼親我哋，石屎墮下時好大聲，我揸咗10年車，從來未經歷過！」
運輸署宣布，因緊急維修，海底隧道(往香港島方向)的管道快線仍然封閉。駕駛人士只可使用餘下行車線行車。現時上址交通擠塞。
