一名穿著拔萃女書院運動服的女生，在港鐵倒瀉盆栽，泥沙倒在地方，有網民目擊女生的善後方法大讚：「真係值得讚賞，果然係拔萃！」
事件引發網民熱議，事件詳情如下：
拔萃女生搭港鐵倒瀉盆栽 善後方法獲激讚：果然係拔萃！↓↓↓↓
有網民在社交平台Threads發帖，他表示本月（2月）5日坐港鐵時，「一個女仔倒瀉盆栽，啲泥土出晒嚟，但佢即刻攞紙巾出黎擦乾淨。」
樓主拍到現場照片，看到一名穿著拔萃女書院運動服的女生，正在清理倒瀉在地上的泥土，照片見她手上拿著紙巾，正專心清理。樓主大讚女生善後方式，表示：「真係值得讚賞，果然係拔萃！」
同場加映：「港鐵哥」紋身兼金毛遭野生捕獲惹熱議 網民力撐：有咩問題？：↓↓↓↓
「港鐵哥」紋身兼金毛遭野生捕獲惹熱議 網民力撐：有咩問題？
有網民在一個港鐵站閘機前，野生捕獲一名「金毛」港鐵男職員。
該職員手臂上有大面積紋身
他在帖文中表示：「哇！港鐵職員咁型得唔得㗎！！！好似Tyson（歌手Tyson Yoshi） ~」
帖文引發熱烈迴響，部分網民估計該男職員屬後勤部門，「呢個應該係維修嗰啲嚟。」「睇人哋行頭維修部啦。」「一睇就知係Technician嚟。」
對於樓主表示「咁型得唔得㗎」，有網民表示：「紋身唔係問題，但有啲工種，喺你工作時候露出黎就係問題！」
其言論迅即被網民圍攻：「返古代！」「你有本事咪開間公司，自己定個法規不准紋身囉。」
網民一面倒力撐紋身無問題：「咩年代呀？唔係覺得紋身係有問題啊。」 「紋身做港鐵有咩問題？」「返學咩？唔俾紋身。」
「咩年代？咩心態？」「你唔係歧視吓話，2025喎。」
網民又批評樓主：「染頭髮同紋身好平常，唔知你點解要放人上網。」
「啲人真係好痴線，事主又唔係做左啲咩，無啦啦俾人放上網，就俾人評頭品足。」
平等機會委員會的資料指，現行香港的反歧視條例，雖然沒有訂明制訂服裝儀容守則是違法，
但平機會建議僱主避免制訂不必要的服裝及儀容規範，避免條文無意地對員工構成直接或間接歧視。
服裝及儀容守則的範圍可涉及身體上的裝飾，如衣服、帽子、飾物，甚至在身體上的要求，如髮式、鬍鬚和紋身等。
如果僱主認為有需要規限員工的服裝及儀容，應要確保守則內列明的要求不帶歧視色彩。
帖文引發網民熱議，不少網民大讚女生有公德心：「帥！」「鼓勵！」「有家教！」但有網民則謂：「基本嘢唔好講到好勁咁啦。」「其實呢個係基本禮貌，關讀拔萃咩事？」
不過，不少網民留言反駁：「我相信十個人唔會有兩個人會咁做。」「基本？商場啲港女倒瀉杯手搖，十有九都係走左去。」「好肯定十個有九個唔會咁做，同埋畀啲讚美鼓勵，網上生態少啲戾氣，幾好。」
有網民又認為樓主當時應該提供協助，並即場表揚：「如果我係你，我會幫佢，而唔係影佢相。」「你唔應該偷影人放上網，應該直接讚佢。」
同場加映：揹名牌袋女八達通硬插票槽「攝爛」港鐵閘機 賠償點計？港鐵咁回應：↓↓↓↓
揹名牌袋女八達通硬插票槽「攝爛」港鐵閘機 賠償點計？港鐵咁回應
上水港鐵站，有揹疑似名牌袋的女子，以八達通入閘，竟不拍卡改插單程飛票槽，結果懷疑「攝爛」港鐵閘機。
有網民在網上發帖，表示在上水港鐵站一名內地女子，「竟然將八達通『攝』入單程票入口」
樓主指她「整壞部閘機，仲賴架機食咗佢張八達通」
「鬼殺咁嘈，要求即刻開機，拎返張八達通畀佢」。
樓主發布一段短片，看到一名揹著疑似名牌手袋的女子，站在閘機前，不發一言
樓主將鏡頭近拍一部閘機，見到該閘機的螢幕顯示紅色大交叉
螢幕標示「車票失效，請往客務中心」
從影片估計事發閘機，位於上水港鐵站彩園路方向的C出口。
樓主帖文同時附有數張照片，看到有港鐵職員正打開涉事閘機
而該女子則在旁手上拿著一張類似八達通卡
疑港鐵職員成功從閘機內取出歸還給她
不少網民奇怪竟有人會不懂使用八達通
「機面咁大個八仔Logo都睇唔到，唔識用又唔睇下左右啲人點用，仲要整壞人地部入閘機……」
「揹著名牌都唔識用？」「八達通攝得入部閘機，指力不凡。」「真正高手在民間。」
不過，部分網民體諒女事主，懷疑她可能剛抵港，對使用八達通感陌生亦不出奇
有網民更指「插」八達通的人，其實比比怕是：「停車場都有好多，明明入去識拍八達通，出就攝張八達通入部閘機。」
不少網民關注事件最後結局，涉事女子「攝爛」閘機，是否須要賠償？而賠償點計？
《星島頭條》就此港鐵查詢獲回覆指該閘機並無因此損壞
港鐵發言人回覆《星島頭條》表示，根據紀錄，上水站於昨天（19日）早上約10時40分，曾有乘客誤把八達通放入單程車票票槽，致未能成功出閘。
車站職員到場協助該名乘客取回八達通，閘機其後繼續正常運作。
