今個星期開始，本版耳目一新，設計Sharping靚仔，顏色鮮艷奪目，設計師應記一功，唔該湯老總請佢飲茶。
睇睇有乜新人登場先。咦，星期一本欄隔籬乃美麗又能幹的許芷恩（Helena），睇 寫乜？真真一矢中的，拔劍直指中央。
講的正是藝人行走江湖大忌——莊閒不分，應做閒時，走去爭做莊，完全唔識Do，當然搞到全世界嬲你唔知，話你唔好意思。
Helena指出的，正是早前《格林美音樂獎》頒獎典禮中，有人「搶 」（刻意搶焦點），令人神共憤。當晚美國饒舌天王Kanye West帶同太太Bianca Censori出席，身份只屬參與嘉賓，理應行完紅地毯，就乖乖坐低睇騷，因當晚佢倆只做閒，並非主角人物。點知Bianca突然「搶 」，將身上皮草剝下，變三點畢露。
呢下，當然引動全場記者乜都唔影，只仆去影佢，而翌日也只將大會獎項放二條，改將剝光豬賣大包的Bianca放大搶讀者。好啦，搶 成唔成功？成功。但人緣呢？人格呢？品行呢？專業呢？自己一鋪清袋。
小弟初出茅廬時，與薛家燕姐姐傾偈求教，佢乃長青樹兼著名好人緣，娛樂圈中的成功典範。點解真成功（並非Bianca那種）？一個秘訣——應做莊時做莊，應做閒時做閒。
意即當你做主角時，必須專業，操好才出場，令自己光芒四射。但做閒時，就要為主角鼓掌，乖乖在台下默默支持，切忌「搶 」。
走筆至此，剛剛在娛樂版讀到阿Sa與容祖兒參加衛詩雅婚宴，當然畀記者捉住影相兼「唔該講兩句」，佢倆非常識做，幾大唔講，一影完相就閃入場，因當晚兩人做閒也。
