有女子攜同兩名小童，在港鐵沙田站月台小便，職員發覺勸阻，女子竟然發惡：「無人無嘢啊…… 細路仔嚟唔切㗎嘛！」
有網民拍下事發影片，在不同社交平台專頁熱傳，事發經過如下：
大媽攜兩子港鐵月台小便發惡罵職員 「無嘢啊！細路仔嚟唔切㗎嘛！」↓↓↓↓
當時為晚上時間，一名戴鴨舌帽及口罩女子，與兩名小童在港鐵沙田站月台一角小便，一名港鐵職員勸阻：「係個角落頭，睇到㗎，上面閉路電視影住，有人睇住㗎，24小時。」該女子拿著一包估計為裝有小便的紅色膠袋，向職員表示：「我知道呀，唔會㗎，有個樽㗎。」估計女子將小童的尿液，裝在樽內。
該職員要求女子離開，「我要call清潔嚟清潔㗎，你直接行啦！」女子這時開始發惡：「無人，無嘢啊！」竟不承認小童便溺，職員指出：「點會唔係呢，成袋尿。」女子大發雷霆，將紅色裝尿膠袋，大力放在購物車上的背囊：「我放入面得唔得啊！」職員即嚴詞指正：「罰錢㗎，你咁樣便溺！」
同場加映：揹名牌袋女八達通硬插票槽「攝爛」港鐵閘機 賠償點計？港鐵咁回應：↓↓↓↓
該女子即邊行邊反駁：「唔畀罰錢……我帶咗個樽啊，細路你嚟唔切㗎麻。」職員表示：「細路仔，個個細路仔都嚟唔切㗎啦。」女子突然又停步，拿出該袋尿液膠袋，和職員再爭辯，職員即向她表示：「依家咪叫你走囉，無嘈你囉！」該女子才與兩名小童離開，該兩名小童走過拍攝網民時，做出「V」字手勢。
網民紛紛指斥女子無公德心，「支持港鐵職員 ，做得好！」「嘩兩個都讀緊小學喎，廁所都唔識去啊。」「周圍比細路屙尿，仲惡過職員？？？就係呢啲人拉低晒我哋香港嘅形象與質素呀！！！」「佢兩個細佬不是2、3歲，點會忍唔到。」「支持嚴正執法。」
「香港鐵路附例」規定，污物等不得放置在鐵路處所，任何人不得致使、准許或容受污物、污水或其他厭惡性物體流入或進入或放置在鐵路處所的任何部分，違者最高罰款$5000及監禁6個月。
同場加映：尖沙咀情侶港鐵月台忘我熱吻 男方咀嘴取手機做「這事」惹嘩然：↓↓↓↓
