最近「姐姐」真係行運行到腳趾尾，佢自己都估唔到會咁受歡迎，之前埋怨團隊幫唔到手，今日真係收晒聲，而且仲客氣咁對所有人。呢個「姐姐」都捱咗好多年，大家畀個樣呃晒，以為佢純情好相處，實際係麻煩又刻薄。好似有次同事嘅女想同佢影相，「姐姐」表面好開心同合作咁影，但影完即刻變臉，仲要轉頭見到老闆話啲夥計唔識做，侵佔佢私人時間喎。
相關閱讀：星8卦丨「少爺」發明星夢沉迷賭博 債務纏身唔要面自救
結果出咗通告話以後公司啲人唔可以同旗下藝人影相或麻煩到佢哋做任何私人嘢，仲要出封警告信畀嗰位同事話殺一儆百喎。「姐姐」呢次投訴之後，全公司上下都怕佢，當係瘟神咁避之則吉，點知近期佢人氣狂升，對下面班人唔係黑面就語言暴力，最鍾意鬧人死蠢同廢物，但礙於靠佢出糧都惟有死忍，更怕佢一唔啱就去投訴。
相關閱讀：星8卦丨「富豪」呃錢呃極有人落搭 申請破產連累老友正人渣
老闆亦冇諗過佢有今日，所以之前都睇輕佢，而家就覺得佢好爭氣，令自己面子有光，講乜都言聽計從，最慘「姐姐」太鍾意亂嚟，講嘢唔經大腦同生安白做，而家每次派唔同人去湊「姐姐」，個個就當返工玩俄羅斯輪盤，揀中要陪佢出入就食定驚風散，又當嗰日係最後一日返工，一個人可以令大家驚成咁，世上又真係只得「姐姐」一個！
