荃灣海濱驚現「吐痰大叔」。有街坊發現大叔「在每條燈柱都向個海到吐口水，又吐喺單車徑度」，至少吐了15口，好心提醒「荃灣朋友仔唔好貼個欄杆」。
「吐痰大叔」荃灣海濱處處吐逐張睇↓↓↓↓
樓主：我一個女人仔唔敢話佢
樓主早前以匿名身份在facebook群組「荃灣人」上載相片發帖，指「尋日喺荃灣海邊個阿叔每條燈柱都向個海到吐口水，又吐喺單車徑度，唔知之前仲有無吐喺其他地方。一口痰3200元眼見一條單車徑佢吐嘅數量應該可增加庫房收入48000元以上（編按：定額罰款實為3000元；3200元/48000元=15口）。我一個女人仔唔敢話佢，應該有啲精神問題。荃灣朋友仔唔好貼個欄杆，同荃灣碼頭附近唔知有無吐」。
「吐痰大叔」荃灣海濱處處吐逐張睇↓↓↓↓
街坊認出相中人爆料
樓主拍攝到「吐痰大叔」的背影，相中並以紅圈圈著多個吐痰位置。帖文引起街坊和應，有人更認出相中人，爆料指：
網民：「呢個人在單車徑未起之前，早上許多巿民在荃灣海濱公園晨運，佢就不斷企喺欄杆邊向海吐口水」、
樓主：「當時我大約晚上10點。即係依個叔叔係不定時間同長期習慣性不斷地吐口水」。
另有人認為「照佢大頭相，影背面有鬼用咩」、「應通知警方跟進，讓有關部門協助他，為人為己，保持市容」，不過樓主回應時無奈地稱「當時已眼神接觸，疑似精神病人，襲擊人大多無罪。及就算影相你知道係邊個，你會主動罵他？這帖只是善意勿貼欄杆……」、「就算報警難有辦法令他停留。警察也不會每天長時間等他而停留於此地。除非他真的襲擊途人」。
還有網民奇怪「正常人邊有咁多口水㗎？！」，也有人表示「其實屋邨仲多隨地吐痰，以為上一代少教育才會這樣沒公德，可是今時今日都無改進」。
相關閱讀：《定額罰款（公眾地方潔淨及阻礙）條例》下相關通知書及證明書的指明格式刊憲
隨地吐痰定額罰款3000元↓↓↓↓
亂拋垃圾／隨地吐痰定額罰款已於2023年10月22日起，由1500元增至3000元。7項表列罪行包括↓↓↓↓
相關閱讀：港珠澳橋職員舌戰吐痰大媽 超絶一句話KO大媽 令紙巾擦乾淨↓↓↓↓
