上世紀七十、八十年代家傳戶曉的藝人俞明，十分有福氣，上周睡夢中靜靜離世，享年一百歲，兒孫滿堂，作為一個人，真的算是成功典範。
小弟在人生交叉點中，亦有幸遇上俞明叔，時為1978年，正值《歡樂今宵》（《EYT》）仍是大盛日子，遇上當年麗的電視也進入黃金期，麥當雄、蕭若元、徐小明個個有腦又爛打爛砌，誓要將TVB霸主地位連根拔起，事實，麗的推出的《天蠶變》、《天龍訣》及《大地恩情》，真係套套 命。
更犀利，精於排陣策略，睇死《EYT》晚晚鋪鋪清，觀眾毋須追看，於是，就用最強的劇集打《歡樂今宵》，望「斷你龍骨」。
當然，無線做得廣播界盟主，地位豈會輕易被動搖？於是調動大量台前幕後精英，晚晚開戰。
適逢其時，我加入《EYT》做小薯仔助理編導，初出茅廬有機會參與電視世紀大戰，無限興奮，晚晚唔 又點話，有仗打，當然士氣高昂。
助導，即大雜工，乜都要一腳踢，由執頭執尾到Casting都 晒。其實後者好大影響力，因藝員不能決定自己做乜角色，等派，而負責派的，正是每日當值的助理編導。若果立心不良，可以正 畀晒阿A，豬頭骨就安排阿B啃。
我又如何？只一心諗住邊個做邊個角色效果最好，但當然也被誤會大細超。
其時《EYT》有五大萬能老倌，即係你派乜畀佢，或正或邪，或正經或搞笑，佢都一定交到貨。邊五位？正是：盧海鵬、譚炳文、俞明、吳孟達及羅浩楷。
當中尤以盧海鵬最勁，真正演技派出身，下午畀角色佢，即會自己走去搵化妝、服裝傾，點扮 會有最大效果，再唔聲唔聲慢慢上身。
就此，扮的幾個「經典角色」，全部可以傳世。
