美國國務卿魯比奧上任後，與中國外長王毅通電話，氣氛麻麻，尤其王毅要求對方「好自為之」。懂中文者必知，這句說話帶有警告意味，英文無論譯做Make the right choice或Act accordingly，皆無法表露講者的神韻。
總之，就是用少少負面語氣忠告對方，要作出適當選擇或行為，江湖口吻是 唔好玩 ！
過去一個星期，相信華籍騎師梁家俊（最近頻密被罰停賽），必已聽到N咁多人對佢作出忠告，甚或警告 好自為之！
年初三第九場千六米賽事，又再出現澳洲幫做大戲，「哈囉文」全程護送「 仔新」由頭放到尾，「軟硬鞭」則在中後位置監察，肯定新仔Win得，才大力打上入位。
呢種布局，早前我也曾在此指出。當佢 計過，有隻馬可以由頭放到尾，就安排自己友新仔去馬，丁友仔冇乜騎技，但勝在信得過，總之兩位大佬沿途護住就掂。
當然，其他馬要識做，咪篤爆。
但馬有馬性，你想佢唔跑但佢想跑，咁會點？咁就出現呢場梁家俊的跑法。
小弟再三由頭睇到尾隻「保羅傳奇」點跑（根本冇跑過？），真是眼冤。由出閘開始不停人馬角力向後望，全不專注，想在搵乜（怕劇本做唔到？），絕非一心一意爭取最佳位置。
入到直路，隊入一棚馬之後，當然喎呵。「保羅傳奇」本身屬放頭馬，佢排二檔都唔放，仲沿途抽住抽住，咁跑馬，日後必須「好自為之」 。
明日第八場一班千二米，好有趣，兩隻明星馬「華麗再勝」及「精算暴雪」難明點解又出，為乜唔留力跑級制賽？呢場似有爆冷伏線。大家請留意「魔術控制」及「小霸王」，後者上次尾段好鬼厲害啊。
