特朗普日日霸住全球新聞時間，越講越High，越講越無邏輯。難得佢國內百萬知識分子，冇乜對等力量可以踢爆佢。加上丁友完全知道自己的「魅力」，你班新聞界唔聽佢點，佢就唔畀你採訪，一手摧 新聞自由也做得出，歷史必定審判佢！
不過，世事講平衡，一個人去到隻手遮天亂搞一通，點會冇後果，否則呢個就唔係世界啦。廣東話有句：咁仲成世界？好有深義 。
昨晚與一群智者開局，當中有經濟系大教授A，佢曾在美國長春藤大學執教多年，也覺得狂特不可思議：「條友一日亂 無為，一時講A，一時講B，一時又打倒昨日的我。堂堂超級大國，竟唔見有人兜棍扑醒佢，完全違反美國傳統價值觀。條友吹得就吹，例如吹到上天的關稅，竟話此乃世界最美麗的東西，哈，究竟美國班經濟學者係咪死晒，完全唔識兜腳踢爆佢？」
A教授指出，狂特大加關稅，理由為貿易逆差，令美國蝕底。 ？咁都講得出？點解你與中國有逆差？因美國人大量買入中國貨。點解買？一為需要，二為平。假若美國自己生產到同樣質素及價錢貨品，豈會買中國貨？其實另一角度睇，正是美國佔中國廉價勞工及原材料的「便宜」，豈可倒轉講？市場自由，有人 支槍指住你買平 咩？
如今狂特加關稅，入口貨品立即貴 ，對美國消費者而言，左一巴是要買貴 ，右一巴？你以為美國仍有能力生產平價日用品？ 先會信！關稅能製造低檔次就業機會？完全是幻象！政府收多 稅，係，但等於從美國貧民中抽血，有天理嗎？美國人恍如已被催眠，扎醒時，個個已唔見 幾公升血，真戇居！
