40歲的樂隊ToNick主音恆仔（趙善恆）前年2月與小花（譚杏藍）與拍拖10年的「小花」譚杏藍分手後，同年4月再經歷患血癌的父親又離世，雙重打擊下一度「爆煲」：「其實我抑鬱咗一年，爭啲想走」。戀情重新出發的恆仔，與紋身師女友Kylah已進入同居關係，不過近日他患病咳嗽，更無奈表示：「咳到橫膈膜都痛！」
恆仔X光照右邊肺有花
恆仔今日（6日）更新IG透露患咳嗽，他上載了一張X光的照片，他稱：「左邊無嘢，右邊有花，醫生話而家都好普遍，唔使太擔心，食足抗生素，準時食藥，瞓多啲覺，會好返。」恆仔又分享了一張做流感測試的照片，他表示：「幾萬種流感，全部Negative，但聽日同我影相都帶返個口罩。」
相關閱讀：ToNick趙善恆患抑鬱疑揭遭前度背叛？舊愛小花譚杏藍：我問心無愧
恆仔X光照右邊肺有花：
恆仔明天兩場show憂表演失準
恆仔發文表示，「聽日有兩場show，仲咳緊，深呼吸到丹田嘅話右邊就會有少少痛同埋咳出嚟，頂硬上勉強應該唱到嘅，怕係怕影響之後，所以睇清楚，而家confirm咗冇中任何流感，但個肺花咗少少，我唔會失場，但可能會有少少失準，聽日見！」
相關閱讀：ToNick主音趙善恆晒黑圖自爆患抑鬱 壓力爆煲：我怕我真係會做傻事！
譚杏藍與新歡晒恩愛：
大年初一開始勁咳
恆仔透露今個農曆新年由初二休息到初六，皆因他大年初一拜完年之後，勁咳，「係一郁就咳，坐一坐起身、咳；轉個身、咳，身體只能夠維持一個姿勢瞓喺張床上邊。放心，第二日已經有去睇醫生，食完晒抗生素，clear晒，再維持住同一個姿勢……而家冇咳，但係吸大啖氣嘅時候個肺好似有啲痛！」恆仔更趁病到瘟瘟沌沌時，思考人生，「原來平時一呼一吸行一步飲一啖水，傾一句偈唱一首歌食一啖飯好簡單好簡單都已經好幸福！」
相關閱讀：Chill Club頒獎禮2023丨ToNick奪獎主音趙善恆即多謝MIRROR：令頒獎禮無可奈何設樂隊獎
恆仔呼籲網民注意健康
雖然恆仔不是患流感，但近期甲型流感在港肆虐，上月更錄得199宗流感嚴重或死亡個案。恆仔亦呼籲網民注意健康，「大家真係要身體健康，着多件衫，唔好凍親，冇咩就瞓多啲覺，流感高峰期過咗再玩過！」並hashtag標註 #咳到橫膈膜都痛。而圈中好友的張繼聰、周吉佩、布志綸及彭秀慧等都留言叫恆仔好好保重身體。
