將軍澳坑口一直是野鴿為患重災區，一港鐵站之遙的寶林也不遑多讓，港鐵寶琳站四圍也有鴿蹤，區內居民不勝其煩。
有看不過眼的街坊近日接連在facebook群組「西貢將軍澳討論區」發貼，上載區內情況，希望曝光事件後情況能夠獲有關方面關注並加以改善。
相關閱讀：將軍澳街坊高空擲「飯」疑餵雀 路人險「中頭獎」鬧爆
將軍澳街坊怒喝餵鴿中女逐張睇 ＋ 網民訴苦↓↓↓↓
新都城電梯位餵鴿熱點
樓主1月底先以「寶琳地鐵站，每星期下午有3至4次近新都城下面電梯位餵鴿」為題發帖，上載大堆頭的野鴿照片；到2月5日更發現懷疑餵鴿人，樓主上載短片及相片指「呼喝叫她不要餵白鴿這位40幾歲女士跑去搭電梯上咗新都城2期女廁」。
回應的網民即時心神領會，指「呢個位真係好多白鴿，可能就係因為呢位女士」、「原來就係佢餵鴿」、「呢啲咁嘅人真係食飽飯冇屎屙，搞到周圍污糟邋遢」。
網民也忍不住自爆所見所聞，上載相片稱「見過有位女士約60-70（歲）；一邊自己食一邊餵，太快拍唔到佢餵的片。同一位置，上層（寶琳站新都城一期出口對開平台）」，另有人指「見過有個戴帽的女人餵鴿」。
相關閱讀：坑口站對出入夜後 呢樣嘢多到要大步檻過？ 網民仲影到野鴿夜軍團
將軍澳街坊怒喝餵鴿中女逐張睇 ＋ 網民訴苦↓↓↓↓
街坊大呻：真係好污糟
事件獲跨區和應，有人留言指「琴日經過坑口地鐵站，成班鴿喺頭上飛過，嗰陣臭味好勁，好難忘！」。網民接著繼續吐槽，稱「真係唔明點解啲人仲要咁樣餵㗎」、「都唔知餵野鴿食嘢做咩，搞到啲野鴿唔識自己出去搵食」、「我住20幾樓都有白鴿屎、班鳩巢」。
另有街坊大呻：「唉，真係好污糟，我家換冷氣個白鴿巢走咗幾百隻德國蟑螂加轉捕食蟑螂的昆蟲，何其壯觀……搞到晒個公眾走廊都係。終於明白點解蟑螂滅極都有。好彩，暫未有禽蟎，我最驚呢樣……」、「我以前唔識無理……依加我發現啲鴿就算唔築巢生仔都係住喺我窗外度……我晚晚都見到佢地瞓覺第二朝就似鄉下啲雞叫醒我。真係好無奈」。針對野鴿在冷氣機築巢，樓主教路「冷氣機出面我要加鐵絲網」作阻隔。
相關閱讀：老鼠仔暴斃街頭死狀詭異 將軍澳坑口群鴿默哀？ 「清潔龍」一舉動惹議
禁餵飼野生動物擴展至野鴿
《野生動物保護條例》修例已於2024年8月1日生效，把禁止餵飼野生動物的規定擴展至涵蓋野鴿、提高非法餵飼的最高刑罰至10萬元及監禁1年、引入5,000元定額罰款，及擴大執法人員的人選類別等。
環境及生態局局長謝展寰早前回覆民建聯漁農界立法會議員何俊賢的書面質詢指，截至2024年12月底，各部門執法人員就非法餵飼野鴿或野鳥共發出78張定額罰款通知書，當中有12張涉及在私人地方餵飼。
相關閱讀：毗鄰將軍澳醫院 街坊爆料：富寧花園後山廢村屋養逾百隻鴿 網民喊恐怖
相關閱讀：海怡半島百「鴿」歸巢 餵鴿戶神憎鬼厭 街坊呻爆拖累樓價
