港媽攜女年廿九搭飛機，由香港飛往倫敦，她以「天上團年飯」來形容，與年幼女兒在該程航班的飛機餐，結果食到一肚氣，她直斥飛機餐安排「大吉利是」，質問有關航空公司：「有無考慮乘客感受？」
該港媽昨日（28日）在社交平台Threads發帖，講述和年幼女兒在機上食「團年飯」的情況，如下：
港媽攜女年廿九食「天上團年飯」嬲爆 斥飛機餐咁安排「大吉利是」：↓↓↓↓
據該港媽提供的航機資料，她昨日年廿九早上10時37分，乘搭本港一間航空公司的飛機，飛往倫敦，全程14小時14分鐘。
港媽在帖文中說：「年廿九，天上團年飯，ＸＸ有無考慮乘客感受？」她公開該程機的飛機餐餐牌，顯示餐點分為前菜、主菜和甜品，前菜是「時令鮮果」。主菜有三款選擇，分別是啤酒牛肉批（青豆蓉、烤白甘筍）、香辣鷹嘴豆配芫茜乳酪（青瓜沙律、北非小米）、馬來西亞海鮮炒麵。至於甜品，則是「雲呢拿意式奶凍伴榛子脆糖」。
該港媽發現，三款主菜，只有「馬來西亞海鮮炒麵」，適合她年幼的女兒，因為其餘兩款，一款含有酒精，一款是辛辣，於是向航機服務人員，要求為她女兒安排炒麵。誰料，航機服務人員告訴她，小童不獲安排炒麵，「同我講我小朋友無得叫炒麵，因為唔夠分。」
同場加映：港女搭機遭報復「突襲挨後」險受傷：「滾水嘅話我對腳熟咗！」疑要求前座男調正椅背肇禍：↓↓↓↓
港媽：點知個炒麵都係辣
該港媽批評這頓「天上團年飯」，「一個有酒，一個辣素食，一個無貨」，「真係大吉利是。」港媽其後補充，指「點知個炒麵都係辣嘅」，換言之，她年幼女兒三個主餐（一個有酒，兩個辣）都不適合。
帖文引發網民熱議，有網民形容：「呢個menu真係玩死crew。」「呢個menu擺明玩Ｘ前線，竟然最唔死得人嘅雞都冇。」有網民對於小童不獲准叫炒麵感驚訝：「吓！小朋友唔可揀炒麵？小朋友只可揀啤酒或辣？」
網民：餐單就連對大人都有問題
有網民指出：「呢個餐單，根本就連對大人都有問題，酒精過敏，完全唔食得辣，甚至對部份海鮮過敏嘅人，其本冇得選擇，集合以上三項嘅本人已經可以食風。」
不少網民則建議樓主日後搭機，可向航空公司預訂兒童餐：「小朋友可以預訂兒童餐，故事教訓你準備要做得足啲，再唔係準備小食，你自己準備不足，又唔好彩 無得怨。」
部分網民則認為事主要求太奄尖：「要求香港飛倫敦嗰程機有團年飯食，你不如私人包機啦。」「年廿九團年飯應該畀個盆菜你係咪。」有同在年廿九，下午坐該航空公司飛倫敦的網民留言，指他該程飛機餐「有麵醬枝竹炆雞同橫財就手」。
同場加映：港爸攜發燒妻女日本硬闖航機 累航班大延誤 黐退熱貼叉腰發難稱「浸温泉太多」：↓↓↓↓
