有大媽在巴士上疑不滿鄰座長髮女子，多次以粗口問候其「老母」，「Ｘ人老母」最終演變成打鬥，大媽最終撳住長髮女打，怒斥：「你Ｘ我都得，唔好Ｘ老母！」
被網民形容為「孝順姐」的大媽，大戰長髮女的全過程如下：
巴士「孝順姐」撳住長髮女打到嗌救命：「你Ｘ我都得，唔好Ｘ老母！」↓↓↓↓
目擊網民在「車cam L（香港群組）」FB專頁上載事發影片，當時兩名女子相鄰而坐，坐在靠窗位置的戴淺啡色鴨舌帽的大媽，不滿其鄰座戴深藍色鴨舌帽的長髮女，多次以粗口「Ｘ人老母」罵她。
大媽憤怒地驚告長髮女：「你講多次，講多次Ｘ人老母，你個Ｘ街，無出聲當人啞㗎。」長髮女有細聲回應，在片中未能清晰聽到內容，大媽繼續怒罵：「你痴Ｘ線啊，Ｘ人老母喎，你好意思講嘅！」大媽揶揄長髮女不是男人：「你用乜嘢Ｘ人老母啊，你有Ｘ啊！」「Ｘ人老母，你用乜嘢Ｘ啊！」長髮女突然反駁：「你理得我！」大媽聞言怒火中燒，大罵：「你講多次！你講多次Ｘ人老母！」長髮女再反駁：「邊個Ｘ先啊？」暗指大媽先粗口問候她。
大媽大聲申辯：「我叫你講多次Ｘ人老母，係你講咗兩次啊！」越說越勞氣的大媽申明大義：「你唔係講呢句我唔會…我同你講，講乜嘢都好，你Ｘ我都得，你唔好Ｘ人老母！」
同場加映：疑大聲播片被阻 巴士阿叔拳打青年至見血 之後再咁屈人惹議：↓↓↓↓
這時畫面跳至兩人已起衝突，長髮女被大媽按在椅上，大媽一面大力壓實長髮女，一面怒罵：「Ｘ人老母！」長髮女這時大聲向現場乘客求助：「幫我報警啊，唔該！」車廂有人警告兩人：「你哋兩個打呢，肯定報警，有警察嚟㗎！」長髮女聞言即大叫：「報警啊，報警啊！」大媽亦不甘示弱：「報啊，報啊！」長髮女再求助：「幫我報警啊，唔該！」
這時，車廂再傳來警告聲：「喂，如果再打報警啦喎！」大媽這時突聲稱：「依家係佢掹住我啊！」但長髮女大聲叫求助：「依家報（警）啊，依家報啊！我畀人打，幫我報警啊！」大媽這時轉身再怒罵長髮女：「畀人打！你Ｘ人老母啊嘛！」最後長髮女不斷嗌：「救命啊！救命啊！」
網民：咁大反應？咁孝順？
不少網民熱議事件，斥責兩人在巴士上大鬥出手：「唔理點無聊，口角嘅嘢出手就唔啱！」「兩個都拉得！」對於有人因為被粗口問候老母，反應極端感震驚：「我都唔明，一句Ｘ你老母真係咁大反應？咁孝順？」「你以為Ｘ人老母唔使付出代價呀？」
有網民則表示理解：「有啲人好孝順或者親人剛剛離世，你問候人地母親會可能產生大反應。」「誰人出生無父母？出聲何必句句小老母！阿姐姐你中咗佢計。俾人打嗰個扮可憐……」「呢句野真係大忌。」
濫用私刑傷害他人有可能觸犯本港《侵害人身罪條例》，《侵害人身罪條例》第39條「襲擊致造成身體傷害」，可處監禁3年。《侵害人身罪條例》第40條「普通襲擊」，可處監禁1年。《侵害人身罪條例》第17條「意圖造成身體嚴重傷害而射擊、企圖射擊、傷人或打人」，最高可處終身監禁。
同場加映：港男巴士「世紀奇遇」竟獲車長派錢？一原因獲贈8倍車資惹熱議：↓↓↓↓
