又有大頭蝦搭港鐵。繼早前有乘客在車廂遺下一袋蒜頭和一袋魚後，近日再有乘客在月台遺下兩大袋物品。
樓主日前在facebook群組「香港失物報失及認領群組」上載相片發帖，充滿資訊量地指「即時 2025-01-15 20:28，深水埗站往中環6-5 門口位，邊個咁大懵？」
相關閱讀：失魂魚港鐵車廂留低失魂魚 網民嘲：認領失物時鮮魚變鹹魚
大頭蝦港鐵月台遺兩大袋物品逐張睇 ＋ 網民搵罪魁↓↓↓↓
網民：講電話後「遺」症
相中的兩代物品以白色袋盛載，其中的藥房大膠袋滿載蔬菜，露出了幾棵蔥。回應的網民大都估計另一袋也是餸菜，於是循這方向去想，替兩袋失物發言「啲菜：你做乜漏低我呀！」，並批評「咁唔只懵，係直頭無帶個腦」。
接著有人估計物主「今晚冇飯開囉」、「大鑊今晚冇餸食」、「好，今晚唔使煮飯啦！」；又或是從拾獲者角度去看——「今晚可以加餸」、「今晚加餸呀」，並笑言「跌低包魚腸唔見咗個姨丈」。
有心水清的網民相信物主「冇餸煮就會返轉頭」，並高度懷疑事件的罪魁禍首是手機——「又係啲顧住講電話嘅後『遺』症」、「掛住講電話定嘞」、「又一個被手機毒害的人，手機好玩，但要自律」、「又掛住手機睇電影」；另一可能是「啲婆仔掛住叫孫子唔好追來追去，上車就咁忘記袋餸」。
相關閱讀：孖煙囪港鐵月台上躺平 耐人尋味 網民陰陰嘴笑：追車追到甩褲
大頭蝦港鐵月台遺兩大袋物品逐張睇 ＋ 網民搵罪魁↓↓↓↓
網民：物主坐月台椅子上
有其他想法的網民則稱：「借機丟垃圾」、「有人想Free（送出）兩袋嘢」，還有人樂觀地估計「買咗餸先發現中咗六合彩」、「收到Call（來電通知），話中咗六合彩，今晚出去食呀！兩袋餸，畀有緣人今晚加餸啦！」。
而最有可能的情況，或是有網民所指「（物主在）後面張櫈唞緊氣啫」、「可能人哋在排隊等車，人坐在月台的椅子上」；更有網民陰謀論地猜測，這有可能是「擺拍，自己放低影相」。
相關閱讀：紫心蛋糕離奇擱港鐵月台垃圾桶 網民：背後有個傷心故事
相關閱讀：紅磡站月台椅子下有寶執？ 網民眼甘甘：呢舊係咩嚟？
相關閱讀：鐵柱掛銀包萬無一失？ 上環好心人出動神器 咁樣做等物主自行認領
相關閱讀：維園對開掛神秘告示 「地下揸到請自取」 網民驚聞答案：原來攞呢樣嘢
