真真反高潮！本來以為上周日「軟硬鞭」會在澳洲幫兄弟及本地演藝巨星拱照下，完成壯舉，破韋達紀錄的，結果 好似畀麥道朗呢隻攔路虎搞喎。
潘頓擺明鬥志如虹，刻意唔場場跑，保留體力，只跑有機會的場次。
第五場騎「勁先生」，已見其決心，排十四檔，非常精準留放，最終由後殺上贏短頭，極度精彩，可作賽馬教材。
之後，「嘉應高昇」更是贏到晨操咁款返 ，收韁大勝三個幾馬位，呢場W竟然派11.5元，有點好分到「唔合理」呀。
不過，跟住慘況出現，正是第七場騎「光年魅力」，一條直路畀鄉里麥道朗隻「駿奕快車」封死，最後一百米，好少見潘頓會咁心急，搏命想撬開「駿奕快車」，奈何老麥一步不讓死頂，搞到最後潘頓要將馬抽起，蝕位無數，再用奶力衝時，已失先機。
呢場兩顯示：一、潘頓與麥道朗，是否「上場無父子」，抑或是根本互相唔順對方？要搵答案；二、「光年魅力」擺明超班，必定失之東隅，收之桑榆，存記。
至今潘頓仍差兩場才破紀錄，又係 ，佢每場賠率皆必縮水，因不少人會夾疊買佢破紀錄。究竟值唔值咁玩法？各自執生。
小弟方式，每場二重彩複式，選五隻，一定會拖埋佢，以免被拒篤爆。至於W，就要睇睇值唔值得博喇。佢今晚騎七隻，邊隻最高機會？
「泰泰精神」肯定最高機會，因上場初段冇決心，但入直路後，隻馬以凌厲鬥心自動波衝上，只是被外檔馬封晒位輸少少。今晚只要潘頓唔好出「軟鞭」就W得。
另一隻要 實為「唯美主義」，兩次1650米跑近，今次增程至千八米，騎練皆必有其見地。
估計今晚老潘又會不停打鐘仔喇。
