有港女因為「M痛」，光顧荔枝角一間中醫診所，做「暖宮療程」，懷疑醫療失誤，被燙到腹部留永久疤痕，她入院確診燒傷，她引述涉事中醫回應指「好遺憾」，只願賠500元，女事主批評：「呢500蚊簡直係侮辱！」
涉事女事主在多個社交平台及討論區發帖申訴不滿，她在去年（2024年）7月到涉事中醫診所做「暖宮」療程，之後出現燙傷狀況，即聯絡有關中醫診所跟進，歷時大半年，詳情如下：
港女中醫「暖宮」燙到肚留永久疤痕 入院確診燒傷 涉事中醫回應「好遺憾」願賠500蚊：↓↓↓↓
該港女表示，因為「嚟M會M痛」，在參考了很多社交平台IG廣告後，去荔枝角一間中醫診所做暖宮療程。該中醫診所自稱「專科中醫」「高私隱度女士專屬診所」，標榜「打破傳統中醫；中醫＋醫美養生學」。當日，她進行「暖宮」過程時，手腳都有針炙，再用「暖宮倉」罩住全腹部，「我瞓係度，唔可以郁」。
在進行途中，女事主發現有「意外」發生，「之後肚上面有嘢跌咗，我大叫好痛，佢（該診所中醫）打開個倉睇，我問咩事？佢聲稱跌咗野（事後問佢，佢話跌咗燒艾既灰），之後放好就繼續罩住。」做完暖宮療程後，診所中醫提醒她「有水泡係正常排毒，叫我不用擔心，咩都唔使做，畀時間就會消印、康復。」
女事主之後回家，但是當晚十點左右，女事主發現「個肚有兩個紅印」，她即時影相並發給該診所，「我影相俾佢睇，問佢其中一粒好腫好痛，會唔會係燙傷？佢話係中醫排毒水泡，會冇事。」女事主於是未有理會，兩星期後，「一粒係無事，另一個好似疤痕咁」，她再影相問該中醫診所，「佢話要啲時間修復，話可能我皮膚太敏感，建議我搽喜療疤，仲轉帳$100俾我買。」「我有照搽，但一直都未好返，我再問佢會唔會係燒傷？因為過程中有跌嘢，佢話唔會係燒傷，又叫俾時間等修復。」
同場加映：港女求醫疑索「兩日假紙」遭拒走數 涉事醫師出Po：請不要挑戰我的專業！↓↓↓↓
涉事中醫叫等待 女事主：等到40歲先著露臍衫？
女事主其後到醫院覆診婦科，「問咗醫生話係燒傷。」她將西醫確診燒傷的消息通知涉事中醫，對方回覆：「佢話好遺憾，仲叫我俾啲時間。」女事主批評有關中醫涉嫌疏忽醫療失當，一直叫她等待，令她錯過最佳治療時間，「我問（等）幾耐，已經大半年，7月做完，西醫話時間唔會修復到，你中醫話畀時間，幾耐又唔講，青春有限，難道要等40歲先可以著露臍衫？」
女事主其後向消費者委員會投訴，她指，消委會建議她透過小額錢債審裁處，向該中醫診所追討，「可以拎醫藥費去做laser整走個疤。」她其後再聯絡涉事中醫，對方竟表示：「佢話佢只可以做到俾返5百蚊我。」女事主這次暖宮療程收費是500元，換言之，診所的賠償只是退回500元療程費用，無額外賠償。
女事主：呢5百蚊簡直係侮辱
女事主批評：「呢5百蚊簡直係侮辱。」「一句對唔住都冇。」「我都可以畀5百蚊佢，如果佢肯留疤。」女事主表示，現在除要忍受「M痛」的困擾，還要忍受疤痕的煩惱：「依家呢個『突肉疤』，著褲會hi到佢，至今都係會痕，又唔可以隨時隨地r痕。」她表示，會嘗試向消委會、香港中醫藥管理委員會、小額錢債審裁處等多種途徑討回公道，經過事件，她坦言：「我已經唔敢相信中醫，同唔敢再著露肚臍衫。」
女事主的遭遇引發網民熱議，有網民批評涉事中醫「擺明係想推卸責任」，建議謹慎選擇中醫，有網民觀察女事主疤痕情況的照片，懷疑可能有發炎情況，建議再找醫生跟進。有網民亦分享過往曾做中醫「肚燭」，「都係成枝嘢掉咗落肚，搞到有疤」，結果要額外付3千多元做laser去疤。
同場加映：內地醫生親歷香港救護車送院 5大「用後評價」惹熱議：「其實不是想像中那樣」↓↓↓↓
