位於屯門的新公屋顯發邨正在入伙中，有街坊昨日（19日）上載門外被劃下神秘記號的相片，擔心是被竊匪盯上「踩線」留下的符號，以呼籲大家提高警覺。到今日（20日）下午，街坊引述「房署回覆」，指事情原來另有原因……
相關閱讀：皇后山邨鐵閘疑有「踩線」記號 街坊面青：我家都有個「Ｃ」字
顯發邨疑有「踩線」記號逐張睇 ＋ 網民加強冬防↓↓↓↓
樓主：每個單位都有記號
顯發邨屬單幢式公屋，只有一座樓宇。樓主昨日（19日）早上在facebook群組「顯發邨討論區」上載相片發文，指「尋晚開始發現，每個單位門鐘上面塊『白色板』都有不同的記號。實在令人好擔心」。
樓主接著呼籲「大家留意下自己屋企上面塊板。有冇記號？好怕有不軌企圖的踩線。希望大家一齊回報一下」。相中見到，單位門鐘上的「白色板」，右下角疑被打了一個細細的「Ｘ」記號。
相關閱讀：18歲仔排公屋僅9年即上樓獲派顯發邨 一關鍵策略27歲獲首派 網民大讚：呢啲咪叻仔！
顯發邨疑有「踩線」記號逐張睇 ＋ 網民加強冬防↓↓↓↓
街坊：我家也有紅色筆
有回應的街坊和應，擔心地指「我家也有，紅色筆」，也有人另外發帖上載更多有可疑記號的相片。有其他網民在群組留言指，「我昨晚用酒精擦掉了，係紅色原子筆畫的，我家和左鄰右舍都係Ｘ」；但有人指「應該只是低層，暫時都無高層有問題哦」、「我家暫時冇見到有」。
另有熱心的網民提出各種可行的建議——「要同樓下保安講下先，睇嚟我哋要整返一個顯發互助隊，唔可以淨係靠保安」、「首先報房署」、「可否叫房署多裝2個眼仔（閉露電視）在長走廊，這様就知道是誰劃的」。
樓主在回應欄留言指「尋晚已經報咗。管理處保安冇乜實際用途。星（期）一直接去房署搵主任最實際」。有網民則因應農曆新年將至，指「啲保安呢排可能會勤力啲，因為就嚟有利是收」、「我都覺得近排啲保安好獻殷勤呀」。
網民：疑建築公司執漏留低
還有人估計事件與「踩線」無關，稱「應該係之前建築公司執漏時留低，早期喺門做記號，我Ｘ佢，當時我個門有個圈，後期可能就喺門口地線入口做記號，上述是我猜嘅」、「似驗收marking（記號）（希望冇理解錯），off交叉應該要換，方格應該只係個粒有問題」。
樓主：實情原來係……
到今日（20日）下午，樓主發帖指：「房署回覆：我簡單啲回覆一下大家，門鐘上邊『白色板』嘅圖案，係起樓嘅時候方便工人知道拉咗線未。警方都已證實不是踩線。大家可以放心。房署將會搵職員上嚟清潔晒全幢樓有圖案嘅符號。請大家放心」。
相關閱讀：年近歲晚粉嶺公屋踩線？ 黑衣男咳住亂按門鐘 街坊：㩒咗Ｘ個單位
相關閱讀：年近歲晚門外驚見神秘剔號 恐賊人踩線 網民10招反擊
相關閱讀：天眼直擊低炒鐵閘 長沙灣神秘人公屋走廊戶戶影 網民估做緊呢樣嘢
