大地任我行一不小心，隨時搞出人命。兩名驚青男子早前被拍攝到在紅隧口亂過馬路的驚險一刻，面對車來車往，兩人行下窒下險捱撞。
樓主早前在facebook群組「車cam L（香港群組）」以「喺呢個位諗住過馬路」為題，上載一段長約30秒的短片。網民看過短片後連隨糾正樓主說法，指「邊有諗住，直頭行咗啦」。
相關閱讀：6外籍男女彌敦道馬路練跆拳 超狂身份曝光
兩男紅隧口亂過馬路逐張睇 ＋ 網民放長雙眼↓↓↓↓
開始時昂首闊步 行至中段膽怯
有網民認出現場為「紅磡香港出口，好在唔係入口咋，唔係，大塞車」，片中見到兩名男子一人戴口罩、一人帶冷帽。馬路如虎口，兩人大著膽子結伴踏出馬路，開始時昂首闊步，行至往灣仔行車線中央時開始膽怯起來，踏入往跑馬地的行車線後，被一輛迎面而來的紅色的士嚇至步伐凌亂，幸而司機夠機警臨陣慢駛，讓兩人順利走過對岸。
一名工作人員接著入鏡，手指指對兩人作出指示，另一名工作人員從左邊走至，似乎在協助兩人安全離開。
相關閱讀：南亞漢旺角充「和事佬」馬路「拆彈」 一招平息Tesla躁漢撩戰七人車 網民：好方法！
兩男紅隧口亂過馬路逐張睇 ＋ 網民放長雙眼↓↓↓↓
網民：八仙過海各顯神通
回應的網民想起「大地任我行」、「八仙過海各顯神通」，估計「好明顯想行吓紅隧過海 + 想上新聞頭條」。
有認得路的網民留言「諗住步行過去九龍？」、「係諗住行過海」、「順便行過海？」、「準備行過海」，並分析指「去遊艇會或海旁唔識行，就係咁㗎啦」。
另有人搞笑地估計「原來係問路呀，職員話喺嗰邊呀，哦……咁過返去」、「過咗嚟， 要迫佢過返去，哈」、「呢個係，生命豁出去」、「趕佢走又咪危險」、「紅隧撞到佢哋去西隧」。
相關閱讀：吊帶女銅鑼灣馬路「倒瀉」避孕套 本尊真身曝光 內情疑似係
兩男紅隧口亂過馬路逐張睇 ＋ 網民放長雙眼↓↓↓↓
相關閱讀：沙膽女BB車推細路巴士前「散步」 車長要「咁做」先返上行人路
