有駕駛Tesla的大叔在旺角，懷疑因為七人車阻路，大動肝火，撩戰七人車司機：「Ｘ你老母，冇Ｘ閂門啦，唔好Ｘ走啦！」
兩人衝突引致道路大塞車，現場汽車響咹聲大作，一名駕駛電單車送外賣的南亞漢，路過時即時停車，充當和事佬，最後成功「拆彈」，事件經過被網民拍下如下：
南亞漢旺角充「和事佬」馬路「拆彈」 一招平息Tesla躁漢撩戰七人車 網民：好方法！↓↓↓↓
有關現場影片上載於「車cam L（香港群組）」FB專頁，地點在旺角廣華街一帶。當時一部白色七人車停在燈位前，行人燈號為綠燈，一名大叔非常憤怒，走到七人車前面，以粗口不斷指罵車內司機：「我Ｘ你老母，冇Ｘ閂門啦，唔好Ｘ走啦！」「Ｘ你老母，手多多，扮乜Ｘ嘢啊！」
其後七人車司機似在回應，但影片未有錄到他的聲音，只見躁大叔更加怒氣：「唔Ｘ夠過咩？唔係啊，我企係到㗎啦，我Ｘ你老母！」這時一名送外賣的南亞裔鐵騎士駛至，他以南亞人的「口音」，以廣東話向該躁大叔表示：「朋友，唔使啦！」躁漢初時未有理會，繼續指罵七人車司機：「你唔Ｘ使泊埋一邊？」
同場加映：沙膽南亞漢揸電單車入𨋢 直擊無法閂門困獸鬥 網民心驚：隨時斷纜：↓↓↓↓
南亞漢即指指後面車龍勸道：「喂，朋友，好多車啊，唔使理佢啊！」躁漢這時向南亞漢說：「唔係唔使理佢㗎……」南亞漢即打斷他的說話：「朋友，算啦，好多車啊！」他邊說邊走近躁漢，輕按大叔肩膀，既安撫亦示意大叔返回自己座駕：「唏……朋友，算啦，好多車啊，唔使理佢！」
躁漢被南亞漢一番「朋友」式勸說，態度終軟化，向七人司機罵了一句粗口後，即轉身邊罵邊走回座駕：「我一定追究你，我Ｘ你老母臭Ｘ。」南亞漢尾隨大叔，打著手勢半推半送說：「OK，OK，知啦，知啦，好多車啊，後面！」當大叔走回座駕後，南亞漢即向後面車龍舉手，似為示意衝突已解決，未幾七人車司機和Tesla大叔分別駛走。
網民對於南亞漢成功以柔制剛，化解馬路衝突大表欣賞：「南亞真英雄！」「呢位南亞朋友好可愛。」「做得好！」「好方法化解一場打鬥。」「嘩！呢個南亞朋友、唔畀like佢都唔得。」網民又批評躁大叔及七人車司機阻路：「南亞朋友都醒目過你呀。」
同場加映：鴨寮街女與南亞漢衝突持「刀狀物」 警按槍喝止 女子咁反應…↓↓↓↓
