剛過了70歲的麥潔文（Kitman）與62歲的江華在1992年結婚，婚後育有一子一女，大仔陳耀淙（Bryan）做護士，細女陳薔天則繼承媽媽衣缽入行做歌手，一家四口是圈中的模範家庭。江華自從淡出娛樂圈後，曾一度進駐抖音直播主帶貨，其後轉為唱歌， 經常與太太在抖音直播唱歌吸粉。
麥潔文爆江華在家中有一個癖好
麥潔文婚後亦淡出幕前，除了專心相年教子外，還轉型為歌唱老師，培育了不少演藝界人才，如郭富城、黃伊汶、朱茵、黃泆潼和文凱婷等，日前麥潔文接受好友鍾慧冰的YouTube頻道「冰姐的花樣人生」訪問，罕談與江華多年來的夫妻關係，還爆了老公在家中的一個癖好。
相關閱讀：江華29歲女近照顏值上升有星味！兒時曾被批醜樣 進軍樂壇做歌手
麥潔文罕談與江華相處之道：
麥潔文江華有另類親子活動
江華近年進駐抖音直播唱歌吸粉，麥潔文說：「我哋而家一個禮拜唱兩次，係好好玩，我覺得係一個親子活動，有啲時間可以大家一齊做一件事，自己開心，又可以令人開心。」對於這一段「姊弟戀」，麥潔文坦言未有「湊仔」的感覺，她說：「我哋嘅關係好得意，佢係大男人，佢係主，乜都係佢講晒，我ok冇問題，但係有陣時我會係主，變咗有陣時係『夫妻』，亦會係『妻夫』，大家取長補短，唔會咁容易吵大鑊。」
麥潔文爆老公家中有一個癖好
江華早年曾因在TVB劇集多套飾演皇帝而被封「御用皇帝」，鏡頭前的江華極有氣派，集萬千寵愛於一身，但鏡頭後的江華，原來都會照顧太太的日常生活，麥潔文說：「佢會服侍我㗎，我個工人舊年上咗天堂，我老公就話唔會再請工人，因為佢唔鍾意有其他人喺屋企，佢係嗰啲喺屋企鍾意唔着衫周圍走嘅人，好彩我哋啲仔女都大，各自負責自己嘅嘢，但係我好衰，每日瞓到11、12點，我瞓醒覺呢，我老公就會做好早餐畀我食。咁佢咁好，咁我咪拿拿聲食完去煮飯。」
相關閱讀：江華相約好友共聚大方晒3千萬複式豪宅 景觀開揚佈置簡約又不失奢華
江華昔日經典作品：
江華被讚不是廢柴老公
麥潔文說：「佢真係好，本來我都唔覺，有一次屋企整冷氣，一拆落嚟好多塵，佢即刻拎去車房洗，洗嘅時候我都同師傅講唔好意思，我老公好緊張，好鍾意乾淨，點知嗰個師傅話咁先好，你知唔知好多男人係『廢柴』，喺屋企係唔做嘢，你呢啲老公先好。咁我先發覺。」至於老公會否復出拍劇，麥潔文說：「佢對呢個事業有啲失望，唔係佢想要嘅嘢，我覺得佢係藝術家性格，要做到啲好完嘅嘢，但係你知而家乜都要快，好似冇乜要求，變咗佢啲失望，如果佢遇到啲啱嘅角色，自己鍾意嘅劇本，佢都會嘗試。」
