搭飛機，乘客將椅背靠後又爆風波！近日在社交平台Threads上，一名香港女子指自己搭乘航班由聖彼得堡往杜拜期間，因調整椅背問題遭後排港人指罵及拍櫈，最終需機組人員調位解決事件。事主事後傷心慨嘆，沒想過如此委屈竟發生在自己身上。早前亦有一名內地女子於社交平台發帖，指自己乘坐國泰航空航班時，因調整座椅而遭到後排一對說廣東話的夫婦不斷辱罵，稱她阻住二人睇電視而引發罵戰。
相關新聞︰航班霸凌｜港人夫妻豎中指罵「大陸妹」惹眾怒 國泰：列入黑名單｜有片
事主：調低座位是權利
事主在社交平台發帖講述這次委屈經過，由今趟旅程是凌晨機，所以飛機一起飛就調低椅背睡覺，直至用餐時後座的港人乘客就無禮地要求她將坐椅調高，她為方便對方用餐遂答應對方要求。直至用餐後事主打算繼續睡覺，遂問後坐可否調低椅背，對方說「可以，但最好唔好」因為會阻礙他看電視，事主再稱「呢個係我嘅權利嚟」，對方即惡言相向，事主見狀即請空姐協助解決，並再三問空姐椅背否調至最低空姐話「就算你冇事先問佢，都可以咁做」，空姐幫她再次調低椅背。
調位後仍擔心受滋擾
當事主再調低椅背後，後座乘客及其朋友即再出言罵她，又不斷拍打椅背，「令我瞓唔到之餘，撞到我條頸」。事主最終需再請空姐出面阻止，她隨後亦獲安排調到其他座位。
事主經過今次事件後仍感到十分不開心，因為事情實在很荒謬，而且全程都擔心原來的後座乘客到來騷擾，「無諗過喺《東張西望》睇過類似嘅事件，會發生喺自己身上」
網民：「唔好影響別人」vs「有這設計就可以用」
乘飛機時應否靠後的問題再次引發爭議，網民對事主的「委屈」經歷反應兩極，當中不少人斥責事主自私，「你自己舒服，令到人地好唔舒服！ 調轉，座長途機，你訓唔到人地挨後令你睇唔到電視，頂住晒對腳你會點？」 ，「其實考慮自己之餘都會諗唔好影響別人，權利還權利，做人唔好只諗自己」
不過，亦有網民點出既然飛機座椅設計容許靠後，事主這樣做並無不妥，也不應受到指責，「還有這不是公德心問題，如果不能靠後，椅子就不會這樣設計了」，「航空公司俾得reclining seat呢個service就可以用，後排覺得唔夠空間應該同航空公司反映，而唔係走去話前排乘客使用佢應得嘅服務冇品」。
