有戴耳環男子，攜妻及女兒在港鐵落馬洲站疑上車爭位，結果被一名小童先坐到，男子被指竟直坐在小童身上，現場有女乘客仗義指責，直斥：「你係咪男人嚟㗎？」男子竟囂張反駁：「我唔係啊！咁點呀！」
男子其後竟又轉身兇小童，行為令不少網民髮指，目擊網民拍下男子以下囂張爭駁及兇小童的全過程：
耳環男港鐵爭輸位竟坐小童身上 囂張反駁指罵：「我唔係男人！咁點呀！」後續咁兇小童全網震怒：↓↓↓↓
有網民昨日（15日）在「黃埔人•紅磡人•土瓜灣人」FB專頁上載事件的影片，當時男子的妻子及女兒，已成功坐下，她們都坐在小童身旁，惟男子未能成功「霸到位」。
影片開頭見有現場女乘客不值男子所為，正與男子妻子爭駁。
該男子一邊耳戴耳環，他突衝前與女乘客爭執，大聲夾雜粗口罵道：「乜Ｘ嘢呀，豬Ｘ！」「講Ｘ完未啫，嘈Ｘ完未啫！」
該女乘客未有退讓，大聲回應：「你咁大個男人蝦個細路仔！」
誰料男子竟一臉不屑地說：「咁又點啊，我責Ｘ住佢咩，佢有無受傷啊！有無受傷！」
「200磅咁樣責一個細路仔！」
女乘客指責他：「咁多人睇住，你責佢，有無受傷係另一回事！」但男子繼續撒野：「點Ｘ樣啫！」
女乘客再怒斥他：「有無責呀！你係咪男人嚟㗎？」男子大耍無賴：「我唔係啊，咁點呀！你嘈Ｘ完未啫！大聲！我都走Ｘ咗完Ｘ數啦，仲係到講！」
女乘客未有畏懼，指斥：「（你）200磅咁樣責一個細路仔！」
男子這時轉身指著該小童，反駁道：「我責佢？！我坐埋嚟呢到，我揳入嚟呢個位，唔係叫做責！」他又反問仗義女乘客：「你依家想點？」「收聲啦，我哋依家唔Ｘ講嘢啦！」
這時男子竟轉身兇坐著的小童，指著該小童厲聲說道：「喂，你坐正啲啦，唔好坐正中間，一係你畀人坐！你畀人坐！」似想嚇走小童讓出座位。
同場加映：港鐵MMA黑衣男戰大叔 女乘客「反常舉動」成亮點↓↓↓↓
這時該女乘客再度出手，為小童壯膽：「你頭先坐邊到就邊到！」但男子繼續兇小童：「你唔坐畀人坐，你揳正中間仲咩呀！」
該女乘客即時反駁：「係你迫㗎！」暗示小童未能坐好是因剛才男子爭位硬楔入來所致。
男子的妻子，這時再叫女兒向小童方向「坐埋啲」，似欲迫走小童。而男子則坐在小童身邊的關愛座，向女乘客繼續耍無賴：「係啦！係啦！」
女乘客氣憤地斥責男子：「你可以叫佢……」誰料男子即打斷她說話：「唔好Ｘ講嘢啦，嘈喧巴閉！」「人哋唔嘈啦！」
男子妻子加入罵女乘客：收聲！
女乘客即罵道：「你唔嘈就得既咩，你責X咗人，唔嘈就得既咩！」這時男子的妻子加入罵女乘客：「咁你想點啫？（我無想點！）無想點就收聲囉！」男子亦以粗口辱罵女乘客。
女乘客這時罵男子：「你條粉腸！」男子竟反駁道：「我係腸嚟呀，你係屎！」片段看到，在爭執期間，涉事小童及男子女兒均低頭看手機，狀似受驚，一臉惘然。
影片至此結束，該女乘客其後交代後續：「個男人坐左關愛座，後來有個婆婆上車，個小朋友最後都冇坐到，讓出個位比個阿婆。」
同場加映：尖沙咀情侶港鐵月台忘我熱吻 男方咀嘴取手機做「這事」惹嘩然↓↓↓↓
影片引發網民熱議，紛紛指斥男子所為：「好肉酸，男人老狗同小朋友爭位坐。」「最正係 問佢係咪男人，佢答唔係。」「呢個Ｘ樣大庭廣眾都咁樣，如果冇人睇住，佢可以更Ｘ街。」
「真係最怕遇著呢啲無賴，推佢上東張啦！俾我就報警要求驗傷，等差佬黎同佢玩。」
「佢老婆都唔慌好人啦，同佢個老公一齊鬧個小朋友嘅阿媽，明明佢老公坐住咗個小朋友就唔啱啦……」「個女D同學一定笑足佢成個學期，有D咁既父母…」
「其實白衣女士唔使勞氣，唔使嘈，即報警，話小朋友受傷，有人證，車Cam，食硬個死傻佬!」
同場加映：小童港鐵車廂亂跑掀乘客罵戰 大叔怒斥港媽：「香港仔咁渣就係因為你呢啲阿媽！」↓↓↓↓
