長者坐埋，其中一個經常性話題，必為牙齒。因個個咁上下年紀，十之七八牙齒出現問題——或牙根鬆動，或咬骨變崩，或蛀牙要補 總之，就係或乜或物。
其中之一乃不少老友記要種牙，大部分認為——早種早享受，既然人人都唔知仲有幾長命，而始終都要種，咁就早 種，食多幾餐好味又舒服 。
如今種牙可平可貴，香港做，名醫郁郁三萬、四萬元一隻，普通亦二萬幾元。但若你飛過台灣，即變萬五元，近近 ，深圳亦大把。
當然，對內地醫療水平有「看法」的，幾大唔去。但事實上面醫生真真多 密 手，工多藝熟，萬二、萬三元已搞掂。小弟有位親戚，返番禺做，只需八千幾元。
一眾傾傾 ，發現歌星K雖六十有七，但兩排牙仍非常健壯，與年紀唔多 合，於是問佢有乜秘訣保養。
「各位，我 搵食靠把口，凡上鏡，經常要被大近鏡（Big Close Up）影住，如今 攝影機全部高清，所以，你棚牙唔齊整或有污跡等，全部現形，大大影響形象。不少藝人歌手早早去韓國搞，成棚換晒。我的全部真 ，當然要花心機保養啦。幸而三十年前一次偷聽到牙醫與護士對話，立即開竅。」
原來當日歌星K去洗牙，醫生與護士邊洗邊閒談，醫生話畀護士聽：「阿X，好彩唔係個個病人都識得用牙線及勤用漱口水咋，否則我 分分鐘冇得撈呀。」
意思係乜？即若個個病人認真保養牙齒，尤其勤用牙線清潔牙縫，再加漱口水消毒，如此，蛀牙率必大大減少。個個冇爛牙，冇蛀牙，冇牙周病 咁醫生食乜？「偷聽」完之後，阿K從此日夜用牙線及漱口水，就咁，六十幾仍唔怕擘大口唱歌。
