近年好多突然出現的形容詞，雖則好使好用，但講出者永遠唔會清晰指出係乜意思，只含含糊糊要你估。
最多用的是「挑戰」。老友，究竟你係想話失敗、唔掂、惡頂、無符、負面、認輸、衰 定係乜呢？可否清清楚楚講明呢？
另一為「不可抗力因素」。我一聽就想衝口而出講句——頂你個頭槌，乜 叫做不可抗力，有乜咁神秘？
經常有大型活動搞到臨尾先唔做，就拿出「不可抗力因素」做擋箭牌。不可抗力，理論上應該是天意的，例如黑雨、十號風球、 檔雪崩 而非純人為。
抬出「不可抗力因素」為唔玩藉口的，永遠像要大家猜謎。有乜好猜啊？有乜唔見得光啊？你講出 ，香港人自會判斷，咁就唔使用陰謀論去睇成件事。
最近大集團華潤旗下的華潤堂宣布全線執笠唔玩，記者訪問負責人李浩然，佢又抬出一句成口泡都解釋唔清的「外部不確定因素」。
大佬呀，你 「外部」 邊？「內部」又 邊呢？可否講明一下呢？消費者 住成疊你的購物券，即將變成廢紙，當然有權要求你交代「外部」係乜！
說來，華潤堂執笠事件，乃大學MBA（工商管理碩士課程）最佳研究個案。
大家睇到 係同做一樣生意，萬寧及屈臣氏就越開越多，越做越勁，尤其係賣各式成藥及補充劑，更是金礦中的金礦，貨架上堆到滿滿，全部百百聲起跳，而單睇貨品所落的廣告，已知利潤深不可測，肯定肥過豬！咁環境，點解背景雄厚、歷史悠久的華潤堂，冇法分一杯羹呢？營運策略上有乜失敗呢？
若果做得差而賴「外部」，實在非負責任管理者所為，大丈夫，一人做事一人當！
