(曾智華)
搵食，小弟過去數十年，一直跟著「輝哥」吳錫輝，由1977年識佢開始，真係大開食界。佢雖然並非有錢仔，但唔知點解，就是生成條「公子命」，從來唔使做粗重 ，食腦唔食力，天生領袖才能，大把人畀佢點（自願！）兼生活質素好高檔。
當中飲食尤其嘴尖，故我早年亦膽粗粗替佢起 個綽號——尖嘴輝。
佢食得精，我則食得濫，夾埋就真係有晒化學作用，拍住食呀食，才知原來飲食學問非常浩瀚。
輝哥乃潮州人，故此，對潮州菜極之精通，可以講橫掃香港，全城優質潮州菜皆佢「射程範圍」，與所有東主老友鬼鬼。事實，只要輝哥認為邊間掂， 間必定大把生意。無他，黐住輝哥的為食鬼人數極多，一個帶十個，十個帶一百個，立時生意多到你唔信。
上周又拉衫尾，輝哥帶我去一間新開「舊」潮州店，在萬宜大廈旁，名「尚盛」。
之前佢點醒小弟：「 ，呢間是新店，但其實是舊店名『尚興』，由潮州巷發大而來。潮州菜老饕冇人唔識西環潮州巷，幾十年前大量功力非凡廚師在呢條巷打出來。『尚興』招牌極響，熟客眾多。而『尚盛』正是『尚興』的變身，由潮州菜專家、廚功相當高強的孫淑強（Tony） Fit。」
輝哥話好的，邊個敢挑戰？是日十三條「為食敢死隊」操去，輝哥果然有江湖地位，Tony親自寫菜兼招呼，拍心口全部招牌菜盡出，果然功力非比尋常。
講都唔信，一共食 十八道菜，食啊食，飲呀飲，講呀講，3小時殊聲過。大家夾錢後，立即舉手做民意調查，一致認為平均95分，有幾味100分爆燈。
我又如何？認為盅潮州翅乃幾十年來食過最頂級的，真是犀飛利！
