上周五手痕，爆 位資深影圈人的提議：「碌Sir，你可否搞個『跟住碌Sir去睇戲』群組，幫 艱苦經營的本土電影業？」
本欄見報後，再掟上社交平台，嘩嘩，立即體會乜叫一呼百應！
有傳媒友好、有電影監製導演，更多是小弟的「追蹤者」（未必是粉絲）紛紛彈出叫好，敦促快快搞，唔好齋 。
最有趣是提議多到不得了。最正路的要求搞到充滿歡樂氣氛，首先包場（未知如今市道，邊個時間、日子或邊個區最經濟？）。然後，導演及主角到場，謝票及開座談會，解釋電影背後的信息、拍攝過程的甜酸苦辣，演員也講講如何揣摩角色的神髓。
當然現場要有答問環節及大合照，令大家更投入。
以上正路，但不太正路的，也湧出大量「期望」，最多的是：「碌Sir，淨係睇戲，齋 ，可否包場之後，齊齊操去歎Good Food呀？由你帶隊，殺去不同食肆，例如樂富中心海鮮城歎手打墨魚餅、鯉魚門豪門食頂級海鮮、船記品嘗和哥叉燒、順德公見識生 花錦鱔子薑欖角清蒸、喜萬年整碟荷蘭母豬肥生腸、陸羽來鼎生磨杏汁豬肺湯、瑪寶鮮整煲古法雙冬羊腩煲、小皇府來碟粥油白灼黃沙潤，若再豪 ，就去埋富臨歎一哥鮑魚或到家全七福見識 七哥的即燒乳豬全體 」
嘩，原來小弟 擁躉咁鬼為食又想像力豐富！好，一於粗粗 試 組織一次，等我先搜集包場有乜條件，因矇查查也（搵食乃小弟強項，一定掂，唔使擔心）。此外，也應該將每次出擊化為慈善活動，令其更有意義，一於每人捐一百元畀指定慈善機構！
幾時開波？等有套值得搞的電影先啦！
